Փաստ ինֆո

«Որևիցե մեկը ապօրինի հայտարարություն չի արել։ Մի քիչ համբերեք, կտեղեկացնենք, երբ է տեղափոխվելու վագոն տնակը»,- այս մասին ասաց Ջերմուկ Համայնքի ղեկավար Վարդան Հովհաննիսյանը։ Հարցին թե ճանապարհին վերամբարձ կռունկ է նկատվում ճանապարհին, այն տնակը տեղափոխելու համար է, Հովհաննիսյանը հաստատեց։

Ամուլսարում կրկին բողոքի ակցիայի 4-րդ օրն է։

«Լիդիան Արմենիա»-ի պահնորդները տեղափոխել էին Ամուլսարի պահապաններին պատկանող վագոն-տնակը, փոխարենը դրել իրենցը։ Ամուլսարի հանքի շահագործման դեմ գիշերը բողոքի ակցիայի ընթացքում երեկ Ջերմուկի քաղաքապետ Վարդան Հովհաննիսյանը հայտարարեց, որ ճշտել են, նամակ են գրել, և պարզվել է, որ «Լիդիան Արմենիա»-ն սխալվել է վագոն-տնակի տեղադրման հարցում, սխալ կետում են տեղադրել, ասել են, որ վաղը կգան և կուղղեն սխալը:

Սակայն, «Լիդիան Արմենիա» ընկերությունը հաղորդագրություն տարածեց, որում ասվում էր.

«Քիչ առաջ մամուլից տեղեկացանք, որ Ջերմուկի քաղաքապետը «Լիդիան Արմենիայի» անունից հանդես է եկել մի շարք հայտարարություններով, այդ թվում, թե իբր «Լիդիանը» համաձայնել է տեղափոխել իր վագոն-տնակները: Հայտնում ենք, որ «Լիդիան Արմենիան» նման պայմանավորվածություն որևէ մեկի հետ ձեռք չի բերել: Վագոն-տնակները գտնվում են ընկերության օրինական տիրապետման տակ գտնվող տարածքում: «Լիդիանի» բոլոր գործողությունները օրենքի շրջանակներում են, ընկերությունը ունի բոլոր իրավունքներն ու թույլտվությունները իր օրինական տիրապետման ներքո գտնվող տարածքում կատարելու ցանկացած գործողություն, այդ թվում նաև տեղադրելու շարժական վագոն-տնակներ: «Լիդիանը» չի բանակցելու օրենքի շրջանակներից դուրս որևէ առարկայի շուրջ»:

Իսկ այսօր նաեւ ընկերությունը տարածել է նամակ ուղղված Ջերմուկի համայնքապետին։

Աղբյուր` Փաստինֆո