Փաստ ինֆո

«Կամք» հասարակական նախաձեռնության հիմնադիր Վահագն Չախալյանը: ֆեյսբուքյան լայվով տեղեկացրեց, որ քայլում է դեպի Առողջապահաության նախարարություն՝ ակցիա իրականացնելու։ Տեսախցիկը ֆիքսել է, թե ինչպես են ակցիայի մասնակցից Սոնա Աղեկյանին բերման ենթարկում, որը պնդում էր թե Արսեն Թորոսյանը և Նիկոլ Փաշինյանը հանցագործներ են։ Չախալյանը դիմակով չէր, պնդում էր, որ ինքը սուրճ է խմում, սակայն ոստիկանը ճանապարհը ազատում էին և հրում իրեն։ 

«Արսեն Թորոսյանը պատրաստվում է պատվաստել հայ ժողովրդին, որպեսզի դրանով դարձնի չբեր և դրանով բոլորիս կոտորի։ Ամենը հստակ երևում է։ Այսօր պատվաստանյութը պատրաստ է , սակայն նրան չի հետաքրքրում ինչ պատվաստանյութ է։ Սա հավաստի տեղեկություն է ՝ լուրերից, ստուգել եմ ուղեղով ու աչքերով»,- ասաց ակցիայի մասնակիցներից մեկը։

Ոստիկանն էլ Չախալյանին տեղեկացրեց, որ հավաքը անօրինական է, հորդորեց դադարեցնել և հեռանալ հավաքի վայրից։ Չախալյանն ասաց, որ ինքը կազմակերպիչ չէ.

«Ոչ միայն վիրուս կա, սահմանին պատերազմ, Բեյրութում պայթյուն է տեղի ունեցել, որտեղ Լիբանանահայ համայնքը տուժել է։ Մեր երկրի իշխանությունները փոխանակ այսօր պայքարեն այդ վիրուսի դեմ, հարձակումների դեմ, մտածեն ինչպես տեր կանգնեն մեր Լիբանանի հայ համայնքին, փորձում են ճնշել այլակարծիք ունեցողներին, ոստիկանների միջոցով ուժ կիրառելով լռեցնել նրանց ովքեր համաձայն չեն իրենց հետ։ Ես ակցիայի մասնակից չեմ, տեսա որ ձերբակալում էին Սոնա Աղեկյանին, մոտեցել եմ և ինձ զգուշացնում են, որ ձեր հետ չխոսեմ՝ ինչի հիման վրա։ Բողոքում եմ, որ ՀՀ-ում կա խտրական վերաբերմունք, այն մարդկանց, ովքեր հայտարարում են, որ սա մեկ ընդհանուր խաղ է, իրենց թույլ չեն տալիս ակցիա անել»։

Վահագն Չախալյանին ոստիկանները զգուշացրեցին նորից, որ պետք է հավաքը լքեն, որից հետո ոստիկանները և ակցիայի մասնակիցները բախվեցին և բերման ենթարկեցին ևս մեկ ակցիայի մասնակցի՝ ուժի կիրառմամբ, բերման ենթարկեցին նաև Չախալյանին։
Ավելի ուշ Վահագն Չախալյանը ֆեյսբուքի էջում տեղեկացրեց, որ գտնվում է ոստիկանության կենտրոնի բաժանմունքում: ՀՀ ոստիկանության ապօրինություններն արդեն չափ ու սահմանն անցնում է:

Աղբյուր` Փաստինֆո