Փաստ ինֆո

Ես այստեղ ստանում եմ 429 հազար դրամ։ Սա իմ առաջվա ստացած գումարների մոտավորապես 5-10 տոկոսն է կազմում։ Այս մասին այսօր լրագրողների հետ հանդիպման ժամանակ հայտարարեց Երևանի քաղաքապետ Հայկ Մարությանը։

Պարգևավճարների մասին լրագրողի դիտարկմանն ի պատասխան Հայկ Մարությանն ասաց, որ պարգևավճար չի ստանում. «Չեմ ստանում, ոչ մի բան չեմ ստանում։ Ամեն ամիս ստանում եմ 429 հազար։ Մի քանի ամիս է, որ 429-ն եմ ստանում, մինչ այդ ստանում էի 408 հազար։

Չգիտեմ՝ ինչ փոխվեց օրենքների մեջ, 408-ը դարձել է 429 հազար ու հիմա քեֆ եմ անում։ Եկեք բաց խոսենք, իմ գործարանը ես եմ։ Ես ոչ ցեխ ունեմ, որ կոշիկա կարում, ոչ պանրի գործարան ունեմ։ Իմ գործարանը ես եմ, ես պետք է աշխատեմ, ֆիլմեր, հոլովակներ, նախագծեր ստեղծեմ, մասնակցեմ այդ ամեն ինչի մեջ, որ գումար աշխատեմ։ Փակել եմ բոլոր իմ եկամուտները, ինչ գալիս է, բացի մի քանի հեղինակային իրավունքի բանով, որը տարբեր տեղից գալիս է և եկել եմ 429 հազարով աշխատելու։ Եթե ես եկել եմ այստեղ ոչինչ չանելու, ցավներդ տանեմ հետ կգնամ, հանգիստ կապրեմ, կաշխատեմ, շատ փող կաշխատեմ, էլի սիրված կլինեմ ժողովրդի կողմից, էլի հաճույքով կանեմ իմ աշխատանքը, որովհետև ես մենակ ժպիտ եմ պարգևել և ուրախություն եմ բերել մարդկանց տները ու հանգիստ կապրեմ։ Եթե եկել եմ այստեղ ոչինչ չանելու, այդպես չէ։ Նշանակում է՝ եկել եմ այստեղ մի բան անեմ։ Նշանակում է՝ ավելի լավ է հավաքվենք այստեղ, խոսենք, բանավիճենք, բայց ասեմ, որ Մաշտոցի պուրակն այն ժամանակ, որ հաղթել ենք, էդ հաղթանակը կիսատ է մնացել, որովհետև էդ կաֆեն հլը էնտեղ է ու էդ կաֆեն ինչ-որ մեկինն է, իր սեփականությունն է ու ամբողջ կյանքում մնալու է իր սեփականությունը, որովհետև Սահմանադրության ամենագլխավոր կետերից է այդ սեփականությունը, իսկ ես առաջ եմ տանում մեր հաթանակն ու ասում, որ պետք է հանենք ու դարձնենք համայնքային սեփականություն»,-ասաց Հայկ Մարությանը։

Աղբյուր` Փաստինֆո