Փաստ ինֆո

Ամուլսարում իրավիճակը շարունակում է լարված մնալ։ Ակտիվիստները որոշել են իրենց ուժերով հրել վագոն տնակը։ Տարածքն ամբողջությամբ շրջապատված է ոստիկանական ուժերով։

Ակտիվիստներից մեկն առաջարկեց իրավիճակը քննարկել դեպքի վայրում ներկա Վայոց Ձորի ոստիկանապետի հետ։ Ակտիվիստներին հորդորում են վագոն տնակի տեղափոխությունը թողնել վաղվան, բայց տարածքում հավաքվածները վանկարկում են՝ հիմա։ Վայոց Ձորի ոստիկանապետը հանդես եկավ հայտարությամբ. «Քիչ առաջ մենք ստեղծված իրավիճակով պայմանավորված քննարկում ունեցանք։ Ես ինքս փորձեցի տարբեր լուծումներ գտնել, որ այսօր մաքսիմալ արդյունավետ լուծման հասնել, չնայած սա այսօրվա լուծման հարց չէ։ Այս պահին ուզում եմ ասել այն, ինչ ունենք և լինել պարզ ու շիտակ։

Քննարկաման փուլում է վագոն տնակի տեղաշարժամ հարցը բայց խոսք չեմ տալիս, որ այն այսօր կլուծվի։ Վաղը ձեր խումբը կարող է գնալ Կառավարություն և կոնստրուկտիվ լուծում գտնել։ Այս պահին հանքի շահագործման վերաբերյալ որևէ հրահանգ չկա։ Փորձենք փոխըմբռնման մթնոլորտի հասնել։ Ինչ վերաբերում է վագոն տնակի տեղաշարժմանը, ապա այս առնչությամբ կա հարուցված քրեական գործ և այս պահին այդ գործի շրջանակներում հիմնավոր կասկածներ կան, որ դրանք այստեղ ապօրինի կերպով են գտնվում։ Ես իրավասութուն չունեմ այս պահին գործի վերաբերյալ մարմամասներ հայտնել։ Եթե վաղն առավոտից այդ հնարավորությունը ընձեռնվի, ինտենսիվ կերպով կփորձեմ աջակցել դրան։ Եթե ես իրավական առումով որևէ իրավասություն ունենայի՝ տեղաշարժելու կամ տեղափոխելու դրանք, ապա կանեի դա։ Այս պահին դրանք տեղաշարժելու իրավունքն ունի միայն սեփականատերը։ Ես ստեղծված իրավիճակը ձեզ ներկայացրի բաց քարտերով»։

Աղբյուր` Փաստինֆո