Փաստ ինֆո

Վարդաշենի 6-րդ փողոց 66/1 շենքի բնակիչները 4-րդ կարգի վթարային շենքում ապրում են անտանելի պայմաններում։ Շենքի պատերը խոնավությունից փլվում են, անգամ տանիք չկա: Բնակիչները սեփական բյուջեով ամեն տարի նորոգում են բնակարանները, խոնավությունից պարբերաբար հիվանդանում են մեծ ու փոքր։

«Փաստինֆո»-ի հաղորդմամբ՝ 5 հարկանի կիսաշինությունում մեկ սանհանգույցից են օգտվում, միջանցքներում պատրաստում ճաշը, լվացքն էլ փռում կիսաքանդ պատշգամբներում: Անգամ վերանորոգում սկսած բնակիչները տունը թողել հեռացել են՝ հասկանալով, որ բնակվել ամեն վայրկյան փլվող շենքում՝ չեն կարող։ Բնակիչներն արդեն հույս էլ չունեն, որ մի օր ավելի բարեկեցիկ կապրեն։

«Հույսի կամար» ՍՊԸ-ն, որը շահել է քաղաքապետարանի կողմից հայտարարված սեյսմոլոգիական մրցույթի անցկացումը՝ տվել են եզրակացություն, որով շենքը 3-րդ կարգի վթարային է, սակայն, պարզվեց, որ այն 4-րդ կարգի է։ Ընկերությունն էլ երկու անգամ ստուգումներ է արել, ամրացրել անհրաժեշտ քարեր, որոնք մեկ ամիս չանցած նորից պոկվում են։ «Հուսալի կամար» ՍՊԸ-ն եզրակացություն է ներկայացրել, ըստ որի բնակիչները պետք է անհապաղ տարհանվեն։ Քաղաքապետը, սակայն, ըստ բնակիչների՝ եզրակացությունը չի ստորագրում։ Բնակիչներն էլ պարզաբանում են ուզում։

Մանրամասները՝ տեսանյութում

Աղբյուր` Փաստինֆո