Փաստ ինֆո

Իրանում յուրաքանչյուր յոթ րոպեն մեկ մահանում է նոր տիպի կորոնավիրուսից առաջ եկած COVID-19 հիվանդությամբ հիվանդ։ Այս մասին հայտնում է Reuters գործակալությունը՝ վկայակոչելով երկրի պետական հեռուստատեսությունը։

Վերջին մեկ օրվա ընթացքում Իսլամական Հանրապետությունում գրանցվել է 215 մահվան ելք՝ այդ պատճառով, ինչպես նաեւ վարակի ավելի քան 2,5 հազար նոր դեպք: Երկրում ընդհանուր առմամբ գրանցվել է 17,4 հազար մահվան ելք եւ 312 հազար՝ վարակման:

Իշխանությունները կարծում են, որ բարձր ցուցանիշների պատճառն այն է, որ բնակչությունը չի պահպանում զգուշության կանոնները. լրատվական ռեպորտաժը պարունակում էր Թեհրանի փողոցներում մարդկանց բազմության կադրեր: Անցորդները եղել են առանց դիմակների եւ չեն պահպանել հեռավորությունը։

Գործակալությունը նշում է, որ որոշ փորձագետներ կասկածում են պաշտոնական տվյալների հավաստիությանը. հետազոտությունները ցույց են տալիս, որ իրական թվերը կարող են գրեթե երկու անգամ ավելի շատ լինել, քան այն թվերը, որոնք հնչեցնում է կառավարությունը:

Հուլիսի 18-ին երկրի նախագահ Հասան Ռուհանին համաքաղաքացիներին նախազգուշացրել էր համաճարակի նոր ալիքի առաջացման մասին: Նա հայտարարել է, որ SARS-CoV-2 — ով կարող են վարակվել տասնյակ միլիոնավոր մարդիկ՝ գրեթե Իրանի ամբողջ բնակչության կեսը:

Աղբյուր` Փաստինֆո