Փաստ ինֆո

«Ես այսպես կասեմ, կարծես Ուկրաինան բարդույթ ունի՝ ընկալելու Լեռնային Ղարաբաղի հակամարտության էությունը, ընկալելու այն լրջագույն սպառնալիքները, որոնց բախվում է Արցախի Հանրապետությունը»։ Այս մասին «Հեռանկար» հաղորդաշարի ժամանակ ասել է ԱԳ նախարար Զոհրաբ Մնացականյանը՝ նշելով, որ բարդույթ ունի՝ տարանջատելու կոնֆլիկտները և գնահատելու կոնֆլիկտները՝ ըստ իրենց արժանիքի, էության, պատմության»

«Այդ առումով է, որ մենք այստեղ ունենք անամաձայնություն: Մենք երկու տարվա ընթացքում շատ հետևողականորեն աշխատում ենք Ուկրաինայի հետ այդ առումով, քանի որ Ուկրաինայի բարեկամ ժողովրդի հետ մենք որևէ բարդույթ, որևէ խնդիր չունենք, և շարունակելու ենք հետևողականորեն աշխատել այդ ուղղությամբ և հասցնել մեր ազդակները և պատգամները:

Մենք համբերատար ենք և շարունակելու ենք դա անել: Բայց շարունակելու ենք անընդունելի համարել դիրքորոշումներ, որոնք կտրված են իրողությունից, որոնք հիմնված են այդ համընդհանուր մոտեցումների վրա: Սա ո՛չ տարածաշրջանին, ո՛չ իրենց, ո՛չ մեզ որևէ օգուտ չի բերում»,-ընդգծել է Զոհրաբ Մնացականյանը:

Աղբյուր` Փաստինֆո