Փաստ ինֆո

Washington Post-ում հրապարակված հոդվածում խստորեն քննադատել են Ադրբեջանի նախագահ Իլհամ Ալիևի պայքարն ընդդիմության դեմ։ Հուլիսին Ալիևը կոչ էր արել «վերջ տալ 5-րդ շարասյանը»։ 

«Նախագահ Ալիևը երբեք սիրալիր չի ընդունել ազատ լրագրողներին կամ այլախոհությունը։ Փետրվարյան խորհրդարանական ընտրությունները միջազգային դիտորդների կողմից որակվել են զուրկ իրական քաղաքական մրցակցությունից։ Այժմ, համաճարակի, նավթի ցածր գների և Հայաստանի հետ լարվածության պայմաններում, Ալիևը հանկարծ հայտնաբերեց թշնամիների ՝ քաղաքական ընդդիմության՝ «հինգերորդ շարասյունը» և սկսեց բանտ նետել նրանց: Ալիևի հիստերիան սպառնում է ոչնչացնել Ադրբեջանում մնացած անկախ քաղաքական ուժին»,- գրում է պարբերականը։

Հոդվածով խմբագրությունը հիշեցրել է Նովրուզի ժամանակ Ալիևի խոսքը՝ կորոնավիրուսի համավարակի պայմաններում։ Նա ասել էր, որ այսպես կոչված ընդդիմությունը արտերկրից գումարներ է ստանում և իրենց գլխավոր նպատակն է ոչնչացնել Ադրբեջանը։

«Դրանից հետո հուլիսի 12-16-ը Ադրբեջանցիները Թովրուզի շրջանում կռվում էին Հայաստանի հետ։ Ադրբեջանցի 11 զինծառայող մահացավ, չորս հայ զոհվեց։ Հուլիսի 14-15-ը բախումներ սկսվեցին Բաքվում։ Մարդիկ ոչ կարճ ժամանակով ներխուժել էին պառլամենտ, հետո ոստիկանների կողմից բերման ենթարկվել։ Նախագահ Ալիևը ցույցերում ենթատեքստ տեսավ և որոշեց գնալ «հինգերորդ շարասյան հետևից»։

Washington Post-ն Ալիևին անզուսպ բռնապետ է անվանել և գրել, որ նա «երկաթե բռունցքով» փորձում է ոչնչացնել իր քննադատներին, գրել որ Ալիևն ասել է՝ «Ընդդիմադիր «Ժողովրդական ճակատ» կուսակցությունը «հայերից էլ վատն է», որին հաջորդել են ընդդիմադիրների ձերբակալությունները։

Աղբյուր` Փաստինֆո