Փաստ ինֆո

«Չորսը տարի առաջ Ջոն Կիրակոսյանի անվան հիմնական դպրոցից ազատման դիմում եմ գրել, աշխատանքից ազատվել եմ։ Վերջերս իմացա, որ ինձ որպես գրանցված աշխատող են պահել։ Ես այս հարցն անընդհատ բարձրացնում եմ, ուզում եմ իմ իրավունքները պաշտպանել», - «Փաստինֆո»-ի հետ զրույցում ասել է Երեւանի բնակիչ Գաբրիել Սարգսյանը՝ նշելով, որ արդեն տեւական ժամանակ է չի աշխատում ու կորոնավիրուսի համավարակով պայմանավորված կառավարության որեւէ ծրագրից էլ չի օգտվել։

«Այս հարցով շատ տեղեր եմ ահազանգել՝ Ոստիկանություն, հատուկ քննչական, դատախազություն, ազգային անվտանգություն և խնդրում եմ, որ իրենք հասկանան, որ մեր երկրում միայն իրենք չեն ապրում։ Կան նաև մարդիկ, ովքեր անչափահաս երեխաներ ունեն ովքեր իրենց ազգից ու ծնողից նյութական աջակցություն են ակնկալում, բայց ոչ ոք չի կարողանում իմ հարցին լուծում տալ»,- նշեց նա։
Քաղաքացին մտահոգված է.«Ինքս շնորհքով մարդ եմ, բայց արդեն երկար ժամանակ չեմ կարողանում ինձ աշխատանք գտնեմ՝ համ նկարիչ եմ, համ քանդակագործ եմ, համ գյուտարար եմ, համ կինեզիոլոգ եմ, արևելյան մարտարվեստի ներկայացուցիչ եմ, բայց փաստն այն է, որ ես այսօր առանց աշխատանքի եմ մնացել։ Մեր վարչապետ Նիկոլ Փաշինյանն իմ երեխ, ես էդ գումարը հասցնեմ, իմ երեխան առողջ մեծանա, սնունդը տեղին լինի»։

Քաղաքացին նշում է՝ խնդրով դիմել է նաև ԱԺ պատգամավոր Սոֆյա Հովսեփյանին, ով հավաստիացրել է. «Պատգամավորն ինձ խոստացավ, որ կուսումնասիրի հարցը և ասաց, որ ես 9-րդ ծրագրի 100 տոկոսանոց շահառու եմ, բայց մինչ օրս ոչ ոք ինձ չի զանգահարել։ Եթե այսօր մեր երկրում որևէ բան է փոխվել, ապա ես ու իմ ազգը պետք է տեսնեինք դա։ Հակառակ դեպքում, կան մարդիկ, ովքեր իրենց վրա շատ են վերցրել և կարծում են, թե երկիրը դեպի պայծառ ապագա են տանում, բայց ես կարծում եմ, որ դա այդպես չի։ Ես պահանջում եմ հոժար կամքով գրեն իրենց հրաժարականը և հեռանան, որովհետև գնալով երկրում ատելության մթնոլորտն ավելի է խորանում և ոչ մի խնդիր լուծում չի ստանում»։

Մանրամասները՝ տեսանյութում։

Աղբյուր` Փաստինֆո