Փաստ ինֆո

Ընդդիմադիր դաշտի կողմից կլինեն գործուն քայլեր։ Այս մասին «Փաստինֆո»-ի հետ զրույցում ասաց «Հայրենիք» կուսակցության խորհրդի անդամ Արա Սահակյանը՝ պատասխանելով հարցին, թե արդյոք ընդդիմադիր ուժերին կհաջողվի համախմբվել ու համագորակցված քայլեր իրականացնել։

«Հասկանալի է, որ հասարակական գործընթացներն ունեն առանձնահատկություններ։ Կարող է արթանանաս և պարզվի, որ այլ իրադրության մեջ ես ապրում։ Այնպես որ անսպասելիության տարրը հասարակական գործընթացներում էական է»,-ասաց Արա Սահակյանը։

Նշենք, որ այսօր ընդդիմադիր երեք ուժեր՝ ՀՅԴ, ԲՀԿ և «Հայրենիք» կուսակցության անդամները հանդիպել են։ Արա Սահակյանն ասաց, որ իրենք ոչ մի խոչընդոտ չունենք և՛ քաղաքական առումով, և՛ մարդկային առումով. «Մենք մի նպատակի ենք ուզում ծառայել, իսկ այդ նպատակն է ունենալ ավելի լավ Հայաստան»,-ասաց Արա Սահակյանը։

Անդրադառնալով վերջին օրերին Ադրբեջանի ռազմական ագրեսիային՝ Արա Սահակյանը նկատեց՝ ադրբեջանցիները շարունակելու են փորձել այս կոնֆլիկտը վերածել ժողովուրդների միջև կոնֆլիտի։ Նրա խոսքով սկզբում ադրբեջանցիներն այդ ճանապարհով ոչնչացրեցին ու արմատախիլ արեցին Ադրբեջանում բնակվող հայությանը, ապա Հյուսիսային Արցախը հիմա այս բախումը տեղափոխում են ազգային մակարդակ։

«Ադրբեջանցիներն իրենք են ապացուցում, որ անհամատեղելիէ հայերի և ադրբեջանցիների միասին բնակությունը, առավել ևս որևէ ենթակայությամբ։ Խաղաղության կոչերի, փոխադարձ զիջումների մասին այս պահին խոսելը հանցագործություն է»,-ընդգծեց Արա Սահակյանը։

Մանրամասները՝ տեսանյութում։

Աղբյուր` Փաստինֆո