Փաստ ինֆո

Հաշվի առնելով դիմորդների աննախադեպ բարձր թիվը, որոշ տեխնիկական խնդիրներ են առաջացել և մենք զտում ենք բլոր դիմորդների և ծնողների բողոքները և յուրաքանչյուրի հետևից անհատապես գնում ենք։ Ես կոնկրետ արդեն կարողացել եմ տեխնիկական սխալի պատճառով վեր հանել երկու դիմորդի շահ։ Այս մասին ԱԺ-ում բուհ չընդունված երեխաների և ծնողների հետ հանդիպումից հետո լրագրողներին ասաց իմքայլական պատգամավոր Լիլիթ Ստեփանյանը։

«Կոնկրետ այս դեպքում իմ համար որոշ դիմորդների մասով հասկանալի է, ովքեր օրինակ՝ 18,75 բալով նշել են 4, կամ 8 հայտ։ Այստեղ ես խնդիր տեսնում եմ, բայց ես խնդիր չեմ տեսնում , որ մարդը ստացել է 15,25 ընդունվել է իր իսկ կողմից լրացված երրրորդ հայտով և պայքարում է չգիտեմ ում դեմ։ Կամ նշում են, որ մարդիկ ընդունվել են մասնավոր բուհեր։ Սիրելիներս մարդիկ ընդունվել են մասնավոր բուհեր, որովհետև հայտը լրացնելիս նշել են մասնավոր բուհի անուն»

Լիլիթ Ստեփանյանն ասաց, որ կցանկանար տեսնել այն մարդկանց, ովքեր իրոք ունեն խնդիր, տեխնիկական կլինի այն կամ ուրիշ խնդրով։ «Բայց մարդը հիմա կռիվ է անում ՝ ինչու առաջին հայտով չի ընդունվել։ Որովհետև չի բավարարել միավորները։ Երկորրդ հայտին էլ չի բավարարել»։

Պատգամավորն ասում է, որ իրազեկման հոլովակը պետք է մի քանիսը լիներ։ Ասում է՝ գուցե պատշաճ ձևով չի կատարվել իրազեկումը։ Տեղեկատվությունը չի հասել։ Բայց այն որ, որևէ տեղ տեղեկատվություն չի եղել, ինքը համաձայն չէ։

«Շատ դիմորդներ և ծնողներ շեշտում են, որ կարգին պաշտշաճ ձևով չեն ծանոթացել, որովհետև չեն իմացել, պարտավոր չեն լայվերին հետևել և փոքր տառերով է գրված եղել։ Քանի դեռ չի լուծվել ամենավերջին դիմորդի խնդիրը ես կմտածեմ և ես հակված եմ կարծելու, որ մենք ունենք խնդիր՝ իրազեկման հետ կապված, նաև հայտի ճիշտ լրացման հետ կապված։Ես որևէ մեկին չեմ մեղադրում այս հարցում, որովհետև մեղքս ինչ թաքցնեմ ես dimord.am կայք չեմ մտել և այդ փոքր տառերով տեքստը չեմ կարդացել»։

Աղբյուր` Փաստինֆո