Փաստ ինֆո

Վայոց Ձորում դաժանաբար ծեծի ենթարկված փոխգնդապետ Արա Մխիթարյանի գործից մեկ մեղադրյալից անջատված դրվագը մակագրվել է Արարատի և Վայոց Ձորի մարզերի ընդհանուր իրավասության դատարանի դատավոր Հարություն Պետրոսյանին։ Այս մասին «Փաստինֆո»-ն տեղեկանում է «Դատալեքս» դատական տեղեկատվական համակարգից։ Գործը դատարան մուտք է եղել հուլիսի 24-ին, իսկ մակագրվել է՝ հուլիսի 27-ին։

Ըստ մեղադրանքի՝ Հարություն Գրիգորյանը եղբոր' Զավեն Գրիգորյանի և գործով ինքնությունները չպարզված մի խումբ անձանց հետ, ձեռքերով, ոտքերով և գործով դեռևս չպարզված առարկայով բազմաթիվ հարվածներ են հասցրել Արա Մխիթարյանի գլխին' նրա առողջությանը դիտավորությամբ պատճառելով կյանքին վտանգ սպառնացող ծանր վնաս, ինչպես նաև ծեծի է ենթարկել Ա.Հարությունյանին։

Մասնավորապես՝ 2019թ. սեպտեմբերի 17-ին Արա Մխիթարյանն իր զինակից ընկերներ Մխիթար Մելքոնյանի, Ատն Հարությունյանի, ժորա Բաղդասարյանի, ինչպես նաև մի քանի այլ անձանց հետ գնացել է Եղեգնաձոր քաղաքում տեղակայված զորամասին կից ռեստորան՝ հաց ուտելու, որի ընթացքում օգտագործել են օղի։ Դեռ խնջույքը չավարտած Մխիթարյանը դուրս է եկել ռեստորանից և գնացել այլ ռեստորանային համալիր՝ խնջույքը շարունակելու։ Դրանից հետո Արա Մխիթարյանի համածառայակիցները Արա Մխիթարյանին ավտոմեքենայով վերցրել են և գնացել վերջինիս բնակության վայր՝ նրան տուն ճանապարհելու և կանգնած զրուցել են շենքի բակում։ Ժամը 23։00-ի սահմաններում Հարություն Գրիգորյանն իրեն պատկանող ավտոմեքենայով անցել է տարածքով, տեսել զինվորական համազգեստով կանգնած չորս անձանց, իջեցրել է ավտոմեքենայի ապակին, սևեռուն հայացքով նայել նրանց ուղղությամբ, իսկ մեքենան կայանելուց հետո նրան է մոտեցել Արա Մխիթարյանը։ Ավտոմեքենայից դուրս գալով և նկատելով Արա Մխիթարյանին իր ավտոմեքենայի մոտ կանգնած' Հարություն Գրիգորյանն իր անձի առավելությունը ցույց տալու նպատակով, անտեսելով զինվորականի համազգեստը նրան դիմել է «Հը արա» արտահայտությամբ:Նշված արհամարհական արտահայտության պարզաբանման նպատակով սկսված խոսակցությունը վերածվել է վիճաբանության, որի ժամանակ Հարություն Գրիգորյանը և Արա Մխիթարյանը սկսել են քաշքշել միմյանց, իրար հասցեի տվել սեռական բնույթի հայհոյանքներ: Վիճաբանությունը դադարեցնելու և իրենց զինակցին տուն ուղեկցելու նպատակով նրանց են մոտեցել Ա.

Հարությունյանը և Մ.Մելքոնյանը, փորձել հետ պահել Արա Մխիթարյանին, սակայն վերջինս չի ենթարկվել նրանց պահանջներին, պնդել է, որպեսզի պարզաբանում ստանա Հարություն Գրիգորյանից իրեն «արա»-ով դիմելու համար: Հարություն Գրիգորյանը շարունակելով Արա Մխիթարյանի հետ վիճաբանությունը' մտել է բնակարանի շքամուտք, բարձրացել աստիճաններով վերև, իսկ զինվորականները հետևել են նրան: Այդ ընթացքում Հարություն Գրիգորյանը զանգահարել է իր ընկերներին, այդ թվում եղբորը' Զավեն Գրիգորյանին և հայտնելով կատարվածի մասին կանչել հիշյալ շենքի բակ: Որոշ ժամանակ մի քանի ավտոմեքենաներով շենքի բակ են եկել Հարություն Գրիգորյանի ընկերները և եղբայրը' Զավեն Գրիգորյանը, որից հետո Հարություն Գրիգորյանը և նշված չորս զինվորականները շքամուտքից դուրս են եկել շենքի բակ, որտեղ նրանց ընդառաջ են գնացել Հարություն Գրիգորյանի կանչով այնտեղ հասած ընկերները և եղբայրը' Զավեն Գրիգորյանը: Արա Մխիթարյանը Լևոն Հարությունյանի, ժորա Բաղդասարյանի և Մխիթար Մելքոնյանի խնդրանքով հեռու է կանգնել շենքի բակ ժամանած տղաների խմբից, իսկ նրա հիշյալ զինակից-ընկերները զրույցի են բռնվել Հարություն Գրիգորյանի ընկերների հետ, որին ներկա է եղել նաև Հարություն Գրիգորյանն ու նրա եղբայրը' Զավեն Գրիգորյանը: Բակում գտնվելու ընթացքում Հարություն Գրիգորյանը անսպասելի մոտեցել է շենքի առաջին մուտքի աստիճանահարթակի մոտ միայնակ և հանգիստ կանգնած Արա Մխիթարյանին և դիտավորությամբ, բռունցքով մեկ անգամ հարվածել է Արա Մխիթարյանի դեմքին, ինչի հետևանքով վերջինս վայր է ընկել գետնին, որից հետո Հարություն Գրիգորյանը, Զավեն Գրիգորյանը և գործով ինքնությունները չպարզված մի խումբ անձինք Արա Մխիթարյանի առողջությանը դիտավորությամբ ծանր վնաս պատճառելու նպատակով, գիտակցելով վերջինիս առողջության համար իրենց գործողությունների վտանգավոր բնույթը, նախատեսելով դրա հետևանքը, միաժամանակ' գիտակցելով մեկը մյուսի գործողությունները և մեկը մյուսի գործողությունները լրացնելով, ընդհանուր միասնական դիտավորությամբ ոտքերով, նաև գործով չպարզված առարկայով բազմաթիվ և անկանոն հարվածներ են հասցրել գետնին ընկած Արա Մխիթարյանի կյանքի համար կենսական նշանակություն ունեցող օրգանին' գլխին, ինչպես նաև իր մարմնով Արա Մխիթարյանին հարվածներից պաշտպանելու համար նրա վրա կռացած Ատն Հարությունյանի մարմնի տարբեր հատվածներին, որի արդյունքում Արա Մխիթարյանի առողջությանը պատճառվել է կյանքին վտանգ սպառնացող ծանր վնաս, որն արտահայտվել է' գլխի աջ քունքային շրջանի փափուկ հյուսվածքների սալջարդի և քերծվածքների, ձախ ականջախեցու շրջանի քերծվածքի, ձախ ստորակնակապճային շրջանի քերծվածքի, վերին շրթունքի ջախ կեսի շրջանի արյունազեղման, գլխի' աջից և ձախից քունքագագաթային շրջանների փափուկ հյուսվածքների ենթամաշկային արյունահավաքների (հեմատոմաների), գլխուղեղի աջ կիսագնդի են թա կարծր են այ ին (սուբդուրայ) արյունահավաքի, գլխուղեղի աջ քունքային բլթի ենթաոստայնային (սուբարախնոիդալ), ներուղեղային և վերկարծրենային (էպիդուրա[) արյունազեղումների, գլխուղեղի աջ կիսագնդի ծանր աստիճանի սալջարդի, աջից սեպոսկրի մեծ թև անցումով' աջ քունքոսկրի խրթեշի գծային կոտրվածքի ձևով, որոնք ուղեկցվել են քունքատենտորիալ կողմնային դիսլոկացիւսյով, աջ կիսագնդի հիպօքսիկ իշեմիկ վնասմամբ (երկրորդային), առաջնային ուղեղային կոմայով, իսկ Լևոն Հարությունյանին ծեծի ենթարկելու արդյունքում վերջինիս առողջությանը պատճառվել է թեթև վնասի հատկանիշներ չպարունակող' ձախ ճակատքունքային շրջանի արյունահավաքի, ձախ ակնակապճային շրջանի արյունազեղման, ձախ հոնքի շրջանի սալջարդ վերքի, կրծքավանդակի ձախ կեսի փափուկ հյուսվածքների սալջարդի, աջ դաստակի շրջանի քերծվածքների ձևով վնասվածքներ:

Հիշեցնենք, որ փոխգնդապետ Արա Մխիթարյանը դաժան ծեծի էր ենթարկվել 2019 թ. սեպտեմբերի 18-ին Վայոց Ձորի մարզի Եղեգնաձոր քաղաքի Արսենյան փողոցի շենքերից մեկի բակում եւ արդենավելի քան 10 ամիս է, ինչ գտնվում է կոմայի մեջ։ Մամուլի տեղեկություններով, հարազատների պնդմամբ փոխգնդապետի նկատմամբ կիրառված բռնությանն անմիջական մասնակցություն է ունեցել նաեւ Տրդատ Սարգսյանը, որը հենց այս աղմուկի հետեւանքով հայտարարեց մարզպետի պաշտոնից լիազորությունները վայր
Միջադեպին մարզպետի ներկայության հանգամանքը իրենց ցուցմունքներում պնդել են նաեւ 3 վկաները, այդուհանդերձ նախկին մարզպետին մեղադրանք չի առաջադրվել։ Քրեական գործով մեղադրանք էր առաջադրվել երկու անձի, սակայն գործը դատարան է գնացել մեկ մեղադրյալի մասով, նախկին մարզպետի օգնականի դրվագը նախաքննական մարմինը դատարանի չի ուղարկել։

Աղբյուր` Փաստինֆո