Փաստ ինֆո

Քիչ առաջ հեռախոսազրույց եմ ունեցել Հայկ Սարգսյանի հետ, և նա ինձ տեղեկացրեց, որ ինքը որևէ միջոցառում չի կազմակերպել։ Այս մասին այսօր լրագրողների հետ հանդիպման ժամանակ ասաց ԱԺ «Իմ քայլը» խմբակցության ղեկավար Լիլիթ Մակունցը՝ անդրադառնալով համացանցում տարածված լուսանկարներին, որտեղ «Իմ քայլը» խմբակցության պատգամավոր Հայկ Սարգսյանը մասնակցում է խնջույքի։

«Նա մի քանի օրով գտնվում է հանգստյան գոտում, որտեղ նաև այլ քաղաքացիներ են հանգստանում։ Տեղեկացրեց, որ անզգուշություն է թույլ տվել՝ մի պահ գտնվելով այդ վայրում, որը եղել է մարդաշատ և եղել է առանց դիմակի։ Հայկ Սարգսյանը հայցում էր «Իմ քայլը» խմբակցության ներողամտությունը, որ անզգուշություն է թույլ տվել և իրականում դիմակ չի կրել այդ պահին։ Իմ տեղեկություններով Հայկ Սարգսյանը պետք է արդեն իր գործողությունների համար տուգանված լինի՝ անկախ նրանից, որ դա եղել է անզգուշություն»,-ասաց Լիլիթ Մակունցը։

Դիտարկմանը, որ որոշ լուրերի համաձայն՝ այդ հանգստյան գոտին կապվում է Հայկ Սարգսյանի անվան հետ և չի բացառվում, որ նաև կազմակերպչական հարցերում է գլխավոր դերակատար եղել, հետևաբար հնարավո՞ր է պատգամավորական մանդատի հարց դրվի, Լիլիթ Մակունցն ասաց. «Իմ հարցին ի պատասխան նա հերքեց, որ որևէ կապ ունի թե՛ հանգստայն գոտու, թե՛ միջոցառում կազմակերպելու հետո։ Ինչ վերաբերում է պատասխանատվությանը, ապա պատերատատան պահանջներին համապատասխան ամբողջ խստությամբ, եթե անգամ անզգուշություն է եղել, միևնույն է, պատժամիջոցները կկիրառվեն նաև Հայկ Սարգսյանի նկատմամբ»,-հավելեց Լիլիթ Մակունցը։

Աղբյուր` Փաստինֆո