Փաստ ինֆո

«Հայկական բանակը, հայկական սպայական անձնակազմը՝ գեներալից մինչև ենթասպա ու  զինվորներն, անշուշտ, կատարել են իրենց առաջ դրված  առաջադրանքը միշտ գերազանց, կամ ահավոր գերազանց, կամ ամենագերազանց,- այսօր  ֆեյսբուքում հրապարակած տեսանյութում  ասել է  Սուրբ Աթոռում նախկին դեսպան Միքայել  Մինասյանը:

Նա ընդգծել է, որ 2016 թ., ապրիլյան պատերազմում  եղել է հաղթանակ, այո՛, հաղթանակ է եղել նաեւ դիրքային մարտերում՝տավուշյան դեպքերի  ժամանակ։

«Փառք Աստծո, որ Նիկոլ Փաշինյանը դրանցից տեղյակ չէր, ինչպես կարող ենք միանշանակ տեսնել կառավարության նիստի ժամանակ իր տված մանկամիտ, կորցված հայացքով հարցերից, որ նա նույնիսկ չի իմացել, թե ինչ է կատարվում։ Փառք Աստծո, որովհետև միանշանակ նա կաներ այն, ինչ միշտ անում է վերջին երկուսուկես տարիների ընթացքում, այն է՝ չկրակելու հրաման կտար, կասեր՝ դե լավ զիջեք, ինչ եղավ Նախիջևանում, քանի որ Երրորդ կորպուսը Տավուշում արեց այն, ինչ պարտավոր էին անել Նախիջևանի ուղղությամբ», - ասել է Մ.Մինասյանը:

Միքայել Մինասյանն  այսօր հրապարակած տեսանյութում անդրադարձ է կատարել  անցած շաբաթվա ընթացքում ստացված հարցերին, մասնավորապես քննարկելով   տավուշյան մարտերն ու մեր բանակի փայլուն հաղթանակը:

Նա խոսել է  Հայաստանից հնչող խաղաղասիրական անհեթեթ կոչերի, արտերկրում հայերի դեմ աճող ագրեսիայի, բիզնեսի խնդիրների ու ադրբեջանական լոբբիստների հարձակումներին դեմ անպաշտպան մնացած մեր հայրենակիցների, ինչպես նաև դիմակների համար 80.000 քաղաքացիների վճարած ապօրինի տուգանքները վերադարձնելու պարտավորության մասին:

Խոսելով գեներալների մասին` Մինասյանը մասնավորապես անդրադարձել է գեներալ Խաչատուրովի թեմային. «Երրորդ կորպուսի հրամանատար գեներալ Գրիգորի Խաչատուրովը Նիկոլ Փաշինյանի հետ Գյումրիից  քայլելով չի եկել, ոչ էլ Նիկոլն ու Աննան հորանց տնից են բերել։ Նույն գեներալԳրիգորի Խաչատուրովն է, որն այնտեղ էր որպես Երրորդ կորպուսի հրամանատար մինչև ՆիկոլՓաշինյանի  իշխանություն զավթելը։ Նույն Գրիգորի Խաչատուրովն է, ում հորը՝ գեներալ Խաչատուրովին, Նիկոլ Փաշինյանն այդ օրերին դատում էր: Ոչինչ չի փոխվել և Երրորդ կորպուսը չի օտագործել ոչ մի զենք, որը գնված է վերջին երեք տարվա ընթացքում՝ զենքերը, զինատեսակները, սպայական անձնակազմըև գենշտաբը նույնն են։ Մարդկանց ընկալումներն են  փոխվել և նրանք տավուշյան դեպքերը որպեսհաղթանակ են ընկալում, քանի որ հիմա չկա այնպիսի ընդդիմություն, որը քարոզում է հակառակը, մինչդեռ Ապրիլյան պատերազմի ժամանակ Նիկոլ Փաշինյանն ու իր ոհմակը հենց դաա էին անում»:

Մանրամասները՝ տեսանյութում:

Աղբյուր` Փաստինֆո