Փաստ ինֆո

«Մեզ պատասխանեցին, որ այստեղ մեզ չեն ընդունում։ Ես մտածում եմ մի բան, որ այս խնդիրը այնքան լուրջ չեն համարում, որ մեզ ընդունեն։ Մինչև այս պահը ուզում էինք ներկայացնել խնդիրը վարչապետին, որ որոշումը կայացներ»։ Այս մասին ասաց ԲՈՒՀ չընդունված դիմորդների բողոքի ակցիայի կազմակերպիչը։

«Ինձ ասացին, որ աշխատակազմին տեղյակ են պահել, որն էլ ասել է, որ չեն ընդունում։ Ես ենթադրում եմ, որ վարչապետին տեղյակ են պահել։ Մենք անցնելու ենք այլ պայքարի, քանի որ մենք ճիշտ ենք։ Ես ասում եմ, որ խնդիրը կբարձրացվի իրավական դաշտում։ Դատի ենք տալու ԿԳՄՍ նախարարին և դրանից հետո նաև ԳԹԿ-ի համապատասխան պաշտոնատար անձանց, որոնք մեզ պատշաճ ձևով կարգը մեզ չեն ներկայացրել»։

Նախ այսօր նամակ կներկայացնեն ԿԳՄՍ վերջնական պահանջով, կտան վերջնաժամկետ, եթե խնդրին լուծում չտվեցին, դատի են տալու։ Հայտարարեցին, որ նման նախարար իրենք չեն ուզում։ Իրենք չէին սպասում, որ վարչապետը իրենց չի ընդունի , հույս ունեին, որ գոնե ցուցարարներից մեկին կընդունի։

Դրանից հետո ոստիկանության գնդապետը շատ կոշտ ներկայացրեց, որ պետք է ավարտեն հավաքը, որովհետև այն արգելված է։ Բողոքի ակցիայի մասնակիցները միմյանց գոտեպնդեցին, որ պայքարելու են մինչև վերջ։ Կոչ են անում մյուս դիմորդների ծնողներին ևս միանալ ցույցին։

Նշենք, որ Կառավարության դիմաց ակցիա էին իրականացնում բարձր գնահատականներ ստացած, սակայն բուհ չընդունված դիմորդները և ծնողները: Ակցիային էին միացել նաև ՀՅԴ երիտասարդական միության անդամները: Դիմորդները պաստառներ ունեեին իրենց ձեռքին՝«Ուզում եմ սովորել», «Նախարար չկա» և այլ անվանումներով:

Աղբյուր` Փաստինֆո