Փաստ ինֆո

Ռուսաստանցի տնտեսագետ, Գլոբալիզացիայի խնդիրների ինստիտուտի տնօրեն Միխայիլ Դելյագինը հայտարարել է, որ իրեն գումար են առաջարկել՝ վերջին ռազմական գործողությունները Հայաստանի կողմից հրահրված լինելու բովանդակությամբ մեկնաբանություն տալու համար։

Նա այս մասին խոսել է տելեգրամի իր ալիքում՝ նշելով, որ առաջարկն ստացվել է ռուսական ԶԼՄ-ի կողմից։

«Ռուսական մեդիան, որի հետ արդեն մեկ ու կես տարի է չեմ հաղորդակցվում (նկատի ուննալով նրանց անորակ մակարդակը), զանգում և առաջարկում է «գումարի դիմաց, որքան Դուք կասեք» տալ մեկնաբանություն այն մասին, որ Հայաստանը Ադրբեջանի հետ կոնֆլիկտ է հրահրել՝ թիրախավորելով վերջինիս նավթային գործարքները։

Իմ հարգալից հարցին, թե ինչու Հայաստանը (քանի որ փետրվար ամսին հաստատ սկսել է Ադրբեջանը և թուրքական ականջները հաստատ ցցված են ոչ հայկական գլխարկից) և հակամարտության տարածքի կոնկրետ որ վայրում են գտնվում ադրբեջանական նավթամուղները (ինձ հետաքրքրում էր, ես կարծես թե աշխարհագրություն գիտեի), ինչին ի պատասխան մոսկովյան ԶԼՄ-ի տնտեսական բաժնի խմբագիրը պատասխանել է. «պարզապես այդպիսին է Բաքվի դիրքորոշումը»։

Եթե վաղը Բաքվի դիրքորոշումը լինի այնպիսին, որ հայերի ցեղասպանությունն իրականացրել են ռուսները, մոսկովյան ԶԼՄ-ները գումարի դիմաց ուրախությամբ կհավաքեն դա հաստատող մեկնաբանություններ։

Արդյո՞ք արդեն ժամանակը չէ մեդիադաշտը մաքրելու համար։ Եվ, իհարկե, կհետևենք, թե լրագրողներից և փորձագետներից ով է գումար վերցրել»,-գրել է Միխայիլ Դելյագինը։

Աղբյուր` Փաստինֆո