Փաստ ինֆո

Վերջին 2 տարիների ընթացքում սոցցանցերի ազդեցությունը հանրային սպասումների ձևավորման համատեքստում լուրջ ուսումնասիրությունների կարիք ունի: Ընդ որում, դա մի ընթացք է, երբ տեղական և միջազգային հարթակներում ինֆորմացիոն տեղատարափ է տիրում, որի բեռան տակ մարդ արարածը շարունակ կքած է մնում կարծես:

Անշուշտ, տեղեկատվայնացման հայկական դաշտը ինքնին չի գործում, այն շատ արագ կլանում է մեր շուրջն ու մեզ հետ տեղի ունեցող գործընթացները և բաշխվում ըստ պատկանելության: Սպասումների կորագծերի կտրուկ վերելքնեը որքանո՞վ են հանրության համար դրական դոմինանտներ ձևավորում : Եվ այս համատեքստում որքա՞ն է ընդհանրական շրջանակներ ներառող կտրուկ վայրէջքնեի, բացասական սպասումների չափն ու քանակը:

2020 թվականի նշանայնության բացասականությանը հայերս բախվեցինք գարնանը՝ կորոնավիրուսի Հայաստան մուտք գործելով: Ընդ որում, այս հիվանդության ընկալումից մինչև տարածում և հետևանքների վերացում տեղատվությունների ու մակընթացությունների փուլերը դեռ ընթացքի մեջ են: ՈՒ այդ ողջ ընթացքում մենք շրջափակման մեջ ենք: Շրջափակում՝ տարածության, ժամանակի, շնչառության… Թթվածնային քաղցն ամենաահավորն է, ամեն տեսակ վիրուսներից՝ ավելի…

Վերլուծության համար փաստական նյութի առատության պակաս չկա և չի լինի, ըստ ամենայնի:

Փաստացի, 2020-ի գարունն անցավ, ամառն էլ՝ շատն անցել է…

2020 թվականի բացասական սպասումների ձևավորման շղթայում ի հավելումն՝ սոցիալ-տնտեսական ճգնաժամի, իրենց ընդգրկման ծավալով կարևոր տեղ կունենան, արդեն իսկ՝ ունեն և ուղղակիորեն ճգնաժամը խորացնելուն խթանում են տուգանային և հարկային փոփոխությունները: Ընդ որում, այս բնագծում մի տեսակ՝ ծայրահեղության հետ գործ ունենք: Կորոնավիրուսային հիվանդությամբ պայմանավորված պարետատան լոկալ հրահանգները չկատարողներից գանձվող-գանձված «իրադրային» գումարներից մինչև՝ գույքահարկի՝ օրենքով բարձրացում: Ի դեպ, նախկինում՝ ի շահ քաղաքացու՝ եկամտահարկի վերադարձելիության գլխին էլ կարծես թե ամպեր են կուտակվել, ինչն ամեն դեպքում, անշարժ գույք ձեռք բերողների, տուն ու տանիք ստեղծել ցանկացողների համար լուրջ բացասական գործոն է դառնալու: Եվ ոչ միայն, այն կառուցապատումների համար նույնպես արգելակող գործոն է: Ինչը վատ է անդրադառնալու այս ոլորտում, շինարարության մեջ ներգրավված և զբաղվածության խնդիր լուծողների համաև, որոնք համավարակի պատճառով իրենց ամենամյա արտագնա ուղղության փոխարեն մնացել են Հայաստանում: Այս ամենով հանդերձ, սակայն, բնակարանների գները շարունակում են կայուն բարձր մնալ:

Բնականաբար, սպասումների առումով ամենակարևոր ուղղությունը, ազգային և անվտանգային, արտաքին մարտահրավերները դիմակայելուն ուղղված խնդիրներն են, որոնց շուրջ ցանկալին այն է, որ իշխանություն-ընդդիմություն միակամություն-միասնություն լինի:

Մեր բանակի ռազմական հաղթանակներից մինչև հաղթանակներիի դիվանագիտորեն ամրապնդում- ամրագրում:

Հայաստանի և Արցախի, ողջ հայության շահն այդ է պահանջում: Անձնավորված շեշտադրումներն ու հռետորաբանությունն անտեղի են:

Շարունակելի

Հեղինակ՝ Ա.Ե.

Աղբյուր` Փաստինֆո