Փաստ ինֆո

Բարձրագույն ուսումնական հաստատություններ չընդունված ուսանողները և նրանց ծնողներն այս պահին բողոքի ակցիան շարունակում են Ազգային ժողովի շենքի դիմաց։

Դիմորդներն ասում են, որ այդքան պարապել են, այդքան սպասում էին, բայց նամակ են ստանում, որ ոչ մի տեղ չեն ընդունվել. «Ես ռոմանոգերմանական եմ դիմել, ստացել եմ 14.75, բայց ես դիմել եմ նաև Բրյուսով և ոչ մի տեղ ինձ չեն ընդունել, բայց Բրյուսով ընդունվել է 7.50-ը։ Ուզում եմ անգլերենի մասնագետ դառնալ, բայց ինձ ուղարկում են սննդի անվտանգություն, քիմիայի ինչ-որ բաժին, բայց իմ ինչի՞ն ա պետք։ Ոչ մեկ չի հասկանում, որ մենք երկու օր չենք քնում ու լացում ենք»,-ասաց դիմորդներից մեկը՝ հավելելով, որ ստացվում է՝ ամենախելացի երեխաները դուրս են մնացել, իսկ այն երեխաները, որոնք իրենց բախտը փորձել են, ընդունվել են։

Բողոքի ակցիայի մասնակիցները նկատեցին՝ եթե այսքան մարդ հավաքվել է, նշանակում է, որ սա իրենց սխալն է և չեն զգուշացրել մարդկանց առաջին հայտի առաջնահերթության մասին. «Նախարարը մինչև քննությունն ասել էր՝ ի շահ աշակերտների ենք անելու, էս ի շահ աշակերտներինն է՞, որ ցածր ստացած մարդիկ ընդունվեցին, իսկ մենք մնացինք՝ խնդրի առաջ»,-նշեց ԲՈՒՀ չընդունված դիմորդը։

Աղբյուր` Փաստինֆո