Փաստ ինֆո

Համահայկական Ազգային Համաձայնություն (ՀԱՀ) շարժումը հանդես է եկել հայտարարությամբ՝ դիմելով ՀՀ ՊՆ և ԱԻՆ նախարարներին, առաջարկելով իր աջակցությունը:

Հայտարարության մեջ մասնավորապես ասվում է.

«Համահայկական Ազգային Համաձայնությունը (ՀԱՀ) խոր մտահոգութ-յամբ արձանագրում է, որ հայ-ադրբեջանական սահմանային վերջին իրադարձություն-ները կարող են ունենալ շարունակական բնույթ և, այսօրվա աշխարհաքաղաքական ոչ կայուն իրավիճակում, տարածաշրջանում հնարավոր են ռազմաքաղաքական ծավալումների նոր զարգացումներ։ Հետևաբար ՀԱՀ շարժումն իր նախաձեռնությամբ սկսել է՝

1․- ռեզերվային կամավորական ջոկատների ձևավորում, որոնք անհրաժեշտու-թյան դեպքում պատրաստ են և կարող են մեկնել սահման կամ օժանդակել ռազ-մական գործողություններին։

2․- ՀՀ-ում ՔԱՂԱՔԱՑԻԱԿԱՆ ՊԱՇՏՊԱՆՈՒԹՅԱՆ (ՔՊ) ոլորտում անհրաժեշտ ծրագրերի մշակում, որն առաջարկում ենք ՀՀ կառավարությանը (տե՛ս հավելված կցումը)։

ՀԱՀ-ն արձանագրում է, որ ՔՊ հիմնախնդիրը գործնականում տեղ չի գտել կառա-վարության ծրագրերում, բացառությամբ ՀՀ կառավարության 2016 թվականի ծրագրում առկա մի փոքր ենթակետի («Արտակարգ իրավիճակներ» բաժնում 2-րդ կետ, գ ենթա-կետ), ըստ որի` երկու տարվա ընթացքում միայն 10 սահմանամերձ բնակավայրերում պետք է ստեղծվեր քաղաքացիական պաշտպանության մեկական հենակետ։ «Քաղա­քացիական պաշտպանության» առումով նման հայեցակարգը պատերազմական իրա­վիճակում գտնվող երկրի համար անհարի՛ր է։ Այս մասին մի խումբ մտավորականներ, որոնք այսօր ՀԱՀ անդամներ են, 25․01․2017 թվականին տեղեկացրել են ՀՀ կառավա­րությանը։ Սակայն այսօր տեղի է ունենում ավելի սարսափելին․ մի քանի օր առաջ ըն­դունվեց (2020թ․ հուլիսին) «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԱՆՎՏԱՆ-ԳՈՒԹՅԱՆ ՌԱԶՄԱՎԱՐՈՒԹՅՈՒՆ»-ը, որտեղ կան միայն դեկլարատիվ ապագոռգոռ հայտարարություններ, բայց պատերազմական իրավիճակում գտնվող երկրում «Քա-ղաքա­ցիական պաշտպանության» (ՔՊ) հիմնախնդրի ու դրա իրականացման մասին խոսք անգամ չկա։

Ելնելով ներկա աշխարհաքաղաքական իրավիճակից, դասեր քաղելով 2016 թվա-կանի ապրիլյան պատերազմից, ինչպես նաև սույն թվականի հուլիսի 12-ին Տավուշի սահմանամերձ շրաջանում տեղի ունեցած թշնամու հարձակման փաստից, և սթափ գնահատելով պատերազմի վերսկսման դեպքում քաղաքացիական բնակչության առջև ծառացած իրական վտանգները՝ համոզված ենք, որ նման բացթողումն անթույլատրելի է։ ՀԱՄԱՀԱՅԿԱԿԱՆ ԱԶԳԱՅԻՆ ՀԱՄԱՁԱՅՆՈՒԹՅՈՒՆԸ հետևողաբար հետամուտ է լինելու ՔՊ ոլորտի ձևավորման, ամրապնդման ու զարգացման պլանների ներառմանը թե՛ ՀՀ Կառավարության ծրագրերի մեջ և թե՛ դրանց իրականացմանը։

ՀԱՀ մտավորականների խորհուրդ,

համակարգող՝ Արթուր Արմին Բաբայան

ՀԱՀ քաղաքական կուսակցությունների խորհուրդ,

համակարգող՝ Գևորգ Հովսեփյան 

ՀԱՀ հասարակական կազմակերպությունների

և նախաձեռնությունների խորհուրդ,

համակարգող՝ Աշոտ Աշոտյան»:

Աղբյուր` Փաստինֆո