Փաստ ինֆո

«Այսօր առավոտվանից մենք հնարավորություն ունենք նույն ձևով, ակտիվությամբ ներգրավվելու տնտեսական կյանքի և առօրյայի մեջ,- այս մասին այսօր հայտնեց ՀՀ Տավուշի մարզպետ Հայկ Չոբանյանը՝ նշելով, Տավուշի մարզում, Բերդ համայնքում և սահմանամերձ գյուղերում, մարդիկ լիարժեք ներգրավված են իրենց աշխատանքով, մեծ ծավալով իրականացվում են վերականգնողական աշխատանքներ, բայց դրանցից բացի կարևոր է ամբողջությամբ վերադառնալ բնականոն աշխատանքին, տնտեսական կյանքին և վերականգնողական գործընթացին։

Նրա փոխանցմամբ՝ զարգացման ծրագրերի իրականացումը կսկսվի հենց այսօրվանից։ «Մենք կփորձենք վերանվանել այդ տերմինը և աշխուժորեն զբաղվել այս տարածաշրջանի և հատկապես սահմանամերձ գյուղերի զարգացման ծրագրերով։ Մենք նոր խթան ենք տալիս այս աշխատանքներին՝ այս օրերի իրադարձությունների տված էներգիայով, իմանալով, որ ցանկացած խնդիր լուծելով սահմանամերձ գյուղում, մենք լուծում ենք նաև երկրի սահմանի, պետության սահմանի անվտանգության խնդիրը։ Արձանագրված են բոլոր տնտեսական քաղաքաշինական խնդիրները»,- ասաց Հայկ Չոբանյանը

Մարզպետի խոսքով այսօր ևս մեկ հանձնաժողով է ստեղծվել, որը պետք է ուսումնասիրի գյուղատնտեսական վնասները, որովհետև վնասվել են նաև գյուղատնտեսական ֆերմաներ, անասնաֆերմաներ։ Այսօրվանից կսկսվեն նաև այդ աշխատանքները, դրանք կավարտենք մի քանի օրվա մեջ և կլինի նաև համապատասխան վերաբերմունք այդ ավերածությունների հետևանքների հետ կապված։

Աղբյուր` Փաստինֆո