Փաստ ինֆո

«Ստեղծվել fh սոցիալ-հոգեբանական հանձնաժողովներ, որտեղ ներգրավում են նաև Տավուշում գործող տարբեր հասարակական ու միջազգային կառույցների՝ հատկապես սոցիալական ոլորտում աշխատող կազմակերպություններ», - այս մասին այսօր հայտարարեց Տավուշի Մարզպետ Հայկ Չոբանյանը։

Նրա փոխանցմամբ՝ գյուղերում ակտիվ ուսումնասիրելու են սոցիալ-հոգեբանական իրավիճակը, «ըստ անհրաժեշտության համապատասխան միջոցառումների իրականացման ուղղությամբ, այդ թվում մեր երեխաների ամառային հանգիստը հավուր պատշաճի կազմակերպելու՝ համավարակով և արտակարգ դրությամբ պայմանավորված վարքականոնի լիարժեք պահպանմամբ»։

« Զարգացման ծրագրերի իրականացման շրջանակում կարևոր է երկու շեշտադրում, առաջինը՝ սկսված մասսայական դրամահավաքի շարունակությունն է, առավոտյան 4-5 զանգ եմ ստացել այդ առումով, գործընթացը շարունակվում է մեր կողմից հավաքագրված գումարը ուղղվելու է այս տարածաշրջանների առաջնահերթ խնդիրների լուծմանը և զարգացման ծրագրերի իրականացմանը։ Այսօր մենք հայտարարում ենք , որ սեպտեմբերին մարզպետարանը անց է կացնելու առցանց ներդրումային համաժողով, նպատակն է որպեսզի սեպտեմբերին ևս մեկ անգամ ձևակերպեք այն հիմնական առաջնահերթ ռազմավարական ծրագրերը, որոնք ոչ միայն պետք է զարգացնեն մեր տնտեսությունը, այլ նաև ամրացնեն մեր սահմանները»։

Աղբյուր` Փաստինֆո