Փաստ ինֆո

Պացիֆիզմը լավ է, երբ դու ապրում ես Եվրոպայում, երբ պատերազմը քո ժողովրդին չի վերաբերում, և քո ձայնը «տաք տեղից» է դուրս գալիս: Բայց, երբ հայորդիներին սպանում են, ի՞նչ պացիֆիզմի մասին է խոսքը, «Հայելու առաջ» հաղորդման ժամանակ ասաց «Միասնություն» շարժման ղեկավար Արման Վարդանյանը՝ անդրադառնալով վարչապետի տիկնոջ՝ օրեր առաջ հնչեցրած խաղաղասիրական կոչին:

«Չեմ կարծում, որ ՀՀ-ի ղեկավարը, անկախ նրանից ով էլ լինի, կարող է ինչ որ զիջումների գնա Արցախյան հարցում, ինքնագլուխ որոշի և միակողմանի զիջումների գնալ: Կա երկու մոտեցում՝ Արցախյան հիմնախնդիրին՝ փուլային և փաթեթային, բնականաբար Ալիևը ցանկանում է փուլային, բայց դա անընդունելի է ոչ միայն ղեկավարության, այլ յուրաքանչյուր այս երկիրը սիրող մարդու համար։ Յուրաքանչյուր մեկ սանտիմետր հողը, ուր թափվել է մեր հերոսների արյունը, չի կարող ուղղակի վերադարձվել Ադրբեջանին: Այո, կա փուլային տարբերակ, որը դա է ասում և փաթեթային, որ այո կան բաներ որ պետք է զիջվի դիմացը կոնկրետ ստանանք օրինակ Նախիջևանը, Արցախի անկախությունը։ Պետք է ֆիքսենք մի բան՝ մենք արյուն չենք վաճառում, մենք կարող ենք զիջել մի բան՝ կոնկրետ հողերի և անկախության դիմաց», - ասաց նա:

Աղբյուր` Փաստինֆո