Փաստ ինֆո

Կառավարությունն օպերատիվ ձևով տնտեսության զարկերակը զգալու խնդիր ունի։ Այս մասին կառավարության այսօրվա նիստի ժամանակ ասաց ՀՀ վարչապետ Նիկոլ Փաշինյանը։

«Մինչև վիճակագրություններն ամփոփվում են, արդեն մեկ ամիս անցնում է և այն տեղեկությունը, որ մեր սեղանին հայտնվում է, դա արդեն ուշացած տեղեկատվություն է, իսկ բորսաները կենդանի օրգանիզմ են, որ շատ արագ են ամեն ինչին արձագանքում, և այդ ինֆորմացիան նաև կառավարությանն է հնարավորություն տալիս արագ արձագանքել տնտեսական կյանքին։ Տնտեսական հեղափոխության կարևոր կոմպոնենտներից մեկը սա է։ Եթե երկրում ռեալ ֆոնդային շուկա ձևավորվի, դա կարող ենք համարել, որ տնտեսական հեղափոխության ամենակարևոր արտահայտությունն է»,-ասաց վարչապետը։

ՀՀ փոխվարչապետ Մհեր Գրիգորյանն էլ նկատեց՝ այսօրվա բիզնես միջավայրը և պոտենցիալ ներդրողների շրջանակն առանց ծրագրի ամփոփման արդյունքում ձևավորված հարթակների, ուղղակի ներդրումներ չեն անում. «Այսօրվա տեմպերը, բիզնես միջավայրն այնպես չէ, որ մարդիկ պետք է գան տեղում մեծ հետազոտություններ անեն։ Բոլորը ցանկություն ունեն ներդրում անել, ուղղակի ուզում են գործիք տեսնել արդի ձևով, այլ ոչ թե հին»,-նշեց Մհեր Գրիգորյանը։

Աղբյուր` Փաստինֆո