Փաստ ինֆո

Ռուսաստանը մտահոգված է Հայաստանի եւ Ադրբեջանի սահմանին իրավիճակի սրմամբ եւ ամեն ինչ անելու է՝ լարվածությունը դադարեցնելու համար։ Այս մասին հայտարարել է Դաշնության խորհրդի նախագահ Վալենտինա Մատվիենկոն, փոխանցում է ՏԱՍՍ-ը։

«Մենք շատ անհանգստացած եւ մտահոգված ենք այդ իրավիճակով։ Ամեն ինչ անելու ենք, որպեսզի դադարեցնենք էսկալացիան, դադարեցնենք մարտական գործողությունները։ Հետագայում էլ բանակցային գործընթացի շրջանակներում փոխընդունելի լուծումներ գտնել հոմար։ Իրավիճակն իսկապես շատ տագնապալի է», - լրագրողներին ասել է Մատվիենկոն։

Նա տեղեկացրել է, որ որպես ԱՊՀ Միջխորհրդարանական վեհաժողովի նախագահ, իրեն դիմել են Հայաստանի եւ Ադրբեջանի խորհրդարանների նախագահները եւ ընդգծել է, որ երկու երկրներն էլ Ռուսաստանի համար գործընկեր են և բարեկամ: «Հիմա իմ կարծիքով գլխավոր խնդիրը ոչ թե մեղավորներ փնտրելն է, այլ ցանկացած ռազմական գործողություն անհապաղ դադարեցնելը։ Դիվանագիտական գծով ձեռնարկվում են բոլոր միջոցները՝ ապաԷսկալացման, հաշտեցման համար։ Եվ Ռուսաստանը նաև կատարում է իր առաքելությունը՝ որպես այդ թեմայով Մինսկի խմբի անդամ», - ասել է Դաշնության խորհրդի խոսնակը։

Նա հավելել է, որ խորհրդարանական գծում նույնպես ջանքեր են գործադրվում այդ ուղղությամբ։

Ադրբեջանա-հայկական սահմանին իրավիճակը սրվել է հուլիսի 12-ին։ Կիրակի օրը Ադրբեջանի պաշտպանության նախարարությունը հայտնել է Հայաստանի զինված ուժերի ստորաբաժանումների կողմից հրետանու օգտագործմամբ Թովուզի ուղղությամբ Հանրապետության բանակի դիրքերի վրա գրոհելու փորձի մասին: Ինչպես հայտնել են Բաքվում, մարտերի երեք օրվա ընթացքում զոհվել են ադրբեջանական բանակի 11 զինծառայողներ, այդ թվում գեներալ-մայոր Փոլադ Հաշիմովը: Իր հերթին Հայաստանի պաշտպանության նախարարության մամուլի ծառայությունը հայտնել է, որ սահմանին իրավիճակը սրվել Է Ադրբեջանի կողմից բեկման փորձից հետո: Ըստ ՀՀ ԱԳՆ Տեղեկատվության, հայկական կողմից զոհվել է 4 զինվորական, 10 զինծառայող տարբեր աստիճանի ծանրության վնասվածքներ է ստացել:

Աղբյուր` Փաստինֆո