Փաստ ինֆո

«Նիկոլ Փաշինյանն ու այլ անձինք 2008 թվականի մարտի 1-ին կազմակերպել և անցկացրել են զանգվածային անկարգություններ և մենք հիմա դատարանում ցանկանում ենք հստակ շեշտադրել, որ այն, ինչ ասել են Մարգարիտա Խաչատրյանը, Սաթիկ Խլղաթյանը հիմնված են բացառապես դատական ակտի վրա, իսկ այդ դատական ակտում 29 անգամ այդ գործողությունները որակված են որպես թալան»,- այսօր լրագրողների հետ զրույցում ասել է փաստաբան Ալեքսանդր Կոչուբաևը։

Ավելի վաղ հայտնել ենք, որ «Մարտի 1»-ի գործով տուժողների իրավահաջորդները դատական հայց են ներկայացրել՝ ընդդեմ Մարգարիտա Խաչատրյանի և Սաթենիկ Խլղաթյանի՝ զրպարտության և վիրավորանքի համար։ Մասնավորապես՝ հայցի պատճառ է դարձել Մարգարիտա Խաչատրյանի այն հայտարարությունը, որով նա հայտարարել էր, որ կառավարությունը 30 մլն դրամ է տրամադրում «Մարտի 1»-ի իրադարձությունների ժամանակ խանութներ թալանին և անկարգությունների մասնակիցներին, իսկ հայրենիքի սահմանները պաշտպանող զոհված զինծառայողների հարազատներին՝ ոչ։

Դատական նիստեն այսօր Երեւանի ընդհանուր իրավասության դատարանում հետաձգվել է, քանի որ հայցվոր կողմը չէր ներկայացել նիստին։

Պատասխանող կողմի՝ զոհված ազատամարտիկների հարազատների փաստաբան Կոչուբաեւը նիստից հետո լրագրողների հետ զրույցում փաստել է, որ արդեն իսկ օրինական ուժի մեջ մտած դատական ակտով մարտի 1-ի գործողությունները, որոնք իրականացվել են հավաքի մասնակիցների կողմից, իրենց բովանդակությամբ զանգվածային անկարգություններ և թալան են, քանի որ այդ դատական ակտում, որը չի բողոքարկվել և չի վերացվել, առկա է և գործում դատական ակտի իմաստով մարտի 1-ին մեզ շատ հայտնի խանութներ են թալանվել, քաղաքացիներին և իրավաբանական անձանց մի քանի հարյուր միլիոնի հասնող վնասներ են տրվել։

«Նման պարագայում, երբ հրապարակային խոսքում մարտի 1-ի իրադարձությունները որակվում է որպես թալան և զանգվածային անկարգություն, չեն կարող հանգեցնել քաղաքացիա- իրավական պատասխանատվության այն պատճառով , քանի որ առկա է դատական մակարդակով արձանագրում, այն մասին, որ մարտի 1-ին տեղի է ունեցել թալան»,- ասաց նա։

Աղբյուր` Փաստինֆո