Փաստ ինֆո

Քաղաքագետ Կարեն Քոչարյանի կարծիքով՝ կորոնավիրուսի թեստերը հիմնականում արվում են վճարովի հիմունքներով, իսկ փողերը «ուտում»։

«Ի՞նչ են արել այս 4 ամսվա մեջ՝ ոչ մի բան։ Ամեն ինչ արել են, որ սկզբից վատ լինի, հետո երբ հայտարարել են կարանտին՝ արել են պարզապես հայտարարելու համար։ Հիմա էլ կարծում եմ նույնն է։ Ես գիտեմ, որ պլան է դրված ոստիկանների վրա՝ խոսել եմ ոստիկանների հետ փողոցում, որոնք ասում են իրենց վրա պլան է դրված գրել 20 հոգու վրա տուգանքներ, բաժանել դիմակներ։ Որտեղի՞ց են այդ դիմակները։ Խնդրում եմ հարց տվեք պարետատուն։ Երեկ կարդացի, որ 130 հազարից ավելի թեստ է արվել, քանի՞սն են դրանից արվել անվճար։ Երեկ ԱԺ-ում պարետ Ավինյանն ասաց, որ չի տիրապետում տեղեկությանը, ուղարկեն գրավոր հարցում։ Համոզված եմ դուք պատասխան չեք ստանալու, ենթադրում եմ, որ այդտեղ փողերը ուտում են, որովհետև թեստերը որոշակի թվաքանակով են, վստահ եմ, որ ներկայացվել է, թե ծախսել է իբր պետությունը, բայց իմ շրջապատում 90 տոկոսը թեստ արել է իրենց հաշվին։ Ձեզ խորհուրդ եմ տալիս հաշվել ինչքան է պետությունը ծախսել, ինչքանն է անվճար եղել, ինչքանը՝ վճարովի։ Պատասխանները որ ստանաք կտեսնենք, որ Արսեն Թորոսյանը հանցագործ է»,- այսօր տեղի ունեցած ասուլիսում ասել է քաղտեխնոլոգ Կարեն Քոչարյանը։

Արտակարգ դրության հետաձգումը նա բնական է համարում։

«Մայիսի 4-ից անցել է երկու ամիս, հետևել եմ թվերին։ Հայտարարում են՝ ենթադրենք 300 հիվանդ կա, բայց իրականում թվերը նույնն են։ 300-ը ստացվում է 1000 թեստից՝ այսինքն 30 տոկոսն է կազմում, 500-ը՝ 1500 թեստից՝ էլի 30 տոկոսն է, 700-ը՝ 2000 թեստից։ Երկու ամիս շարունակ ստաբիլ 30 տոկոսի վրա ենք, եթե այդպես է, ենթադրում եմ, որ հանրապետության 30 տոկոսը հիվանդ է կամ հիվանդացել է։ Սա էլեմենտար է։ Այսօր էլ նույն 30 տոկոսն է։ Եթե դա էլ չանեն 30 տոկոսը կդառնա 60, այլ խնդիր է, որ ոչ մի բան չեն արել։ Ոստիկանությանն էլ չեմ մեղադրում, որովհետև իրենց էլ են դարձրել փիառ գործիք։ Բելգիայում, օրինակ՝ լոքդաունի ժամանակ ամբողջությամբ դրսում վերահսկում էին՝ չէին թողնում, որ մարդիկ շփվեն, մեր մոտ արվել է ասելու համար միայն»։

Աղբյուր` Փաստինֆո