Փաստ ինֆո

«Ոստիկանությունն ամենայն հավանականությամբ որոշել է, որ Հայաստանում չի կարելի Սորոսի պիղծ նկարով ակցիա անել, կամ վախեցել են Սորոսի հայացքից, - լրագրողների հետ ճեպազրույցի ընթացքում հայտարարել է «Վետօ» հասարակական նախաձեռնության ղեկավար Նարեկ Մալյանը։

Հիշեցնենք, որ նա այսօր բերման է ենթարկվել Խոր Վիրապ վանական համալիրում, որտեղից նախատեսում էին ավտոերթ սկսել ընդդեմ Հայ եկեղեցու պատմություն առարկան դպրոցական ծրագրերից հանելու։ Ոստիկանությունը թույլ չի տվել ակցիան իրականացնել։
Ն.Մալյանը հայտարարել է, որ բերման ենթարկվելու ժամանակ ինքը միայնակ է եղել մեքենայի մեջ, ավելին՝ մեքենայի վրայից հանել են Սորոսի նկարով պաստառը։

«Փաստը մնում է փաստ, որ իմ մեքենան Խոր Վիրապից քշելով բերել են այստեղ, վրայից գույքը հանել են ու անհայտ է, թե որտե՞ղ է գտնվում դա։ Մինչև այդ գույքը նույն կերպ իր տեղը չվերադառնա և չփակցվի այնպես, ինչպես իմ մեքենայի վրա էր մինչև հանվելը, ես այստեղից ոչ մի տեղ չեմ գնալու»,- նշել է Մալյանը՝ ավելացնելով, որ իրեն բերման ենթարկելու որևէ օրինական հիմք չի եղել։ «Մեքենան չորս կողմից շրջապատել են ոստիկանները, բարձրացել են իմ մեքենայի մեջ և իմ մեքենայի մեջից ինձ հանել են ինչ – որ պարետի որոշումով։ Սա երևի տեղավորվում է՝ «Եղիր հեզ, բանող եզ» կարգախոսի մեջ, որն իմ հետ չի անցնելու։ Չկա աշխարհում մի ապօրինի հրաման, որով ինձ կարող են լռեցնել»,- նշել է նա։

Մանրամասները՝ տեսանյութում։

Աղբյուր` Փաստինֆո