Փաստ ինֆո

Կանգնած եմ եղել Արտաշատի ոստիկանական բաժանմունքի դիմաց՝ պահպանելով բոլոր կանոնները։ Ոստիկանության սպան մոտեցավ և պահանջեց ինձ բերման ենթարկեն։ Այս մասին լրագրողների հետ զրույցում ասաց ՀՀԿ երիտասարդական կառույցի ղեկավար Հայկ Մամիջանյանը։

«Որևէ հակահամաճարակային կանոնի խախտման մասին խոսք անգամ գնալ չէր կարող։ Բոլոր կանոնները պահպանված էին։ Սա դասական մոտեցումն էր, թե իբր բերման ենթարկվելու պարագայում կարող է մեր գործողություններից ու հայացքներից հետ կանգնենք, ինչն անհնար է պարոն Փաշինյան։ Ո՛չ Ձեր, ո՛չ մեր ոստիկանների ժամանակը մի ծախսեք, Դուք հիմա շատ ավելի կարևոր գործեր ունեք Տավուշում։ Դրանց մասին մտածեք, այլ ոչ թե մեզ բերման ենթարկելու»,- նշել է նա՝ ավելացնելով, որ հավանաբար վրեժխնդիր են ուզում լինել, որ նախորդ անգամ չեն կարողացել իրեն բերման ենթարկել։

«Հավանաբար նախորդ երկու անգամները, որ չի հաջողվել կամ չեն համարձակվել ապօրինի մուտք գործել ՀՀԿ կենտրոնական գրասենյակ՝ մեզ բերման ենթարկեու համար, թեպետ մոտ երկու ժամ սպասում էին, որ ես դուրս գամ, ատամ է մնացել, բայց եթե պարոն Փաշինյանը որոշել է այսպես ատամ պահի, ինքն ահագին ատամնաշարը կավելացնի, որովհետև մենք կանգնել չենք պատրաստվում»,-ասաց Հայկ Մամիջանյանը։

Մանրամասները՝ տեսանյութում։

Աղբյուր` Փաստինֆո