Փաստ ինֆո

ՀՀ Պարետ, փոխվարչապետ Տիգրան Ավինյանն այսօր ԱԺ-ում ընդունել է, որ կորոնավիրուսի դեմ պայքարում սխալներ թույլ տվել են։

«Սխալների հիմքում ավելի շատ ինստիտուցիոնալ խնդիրներ են ընկած, քան անձերի հետ կապված խնդիրներ: Մասնավորապես, եթե վերադարձ կատարեցինք նախկին ժամանակաշրջաններից որևէ մեկը, մինչև արտակարգ դրության ռեժիմի սահամանփակումների ամբողջական ծավալի ներդնումը, առաջին հերթին վերահսկողական մեխանիզմների վերաբերյալ մեր մոտեցումներն այլ կլինեին»,- ասաց նա:

Ավինյանը շեշտեց՝ թե ռեսուրսի, թե կազմակերպչական առումով վերահսկողությունը միանշանակ ավելի խիստ կսահմանվեր:

«Ավելի մեծ քանակությամբ ռեսուրս կներդրվեր, որովհետև վերահսկողության տեսանկյունից մենք ունեցել ենք որոշակի խնդիրներ, որոնք ինչ-որ ծավալով բացասական իմաստով ազդել են վարակի տարածման վրա: Մենք մեծամասամբ մեր առաջնային խնդիրը՝ առողջապահական համակարգի կարողությունների զարգացումը, ապահովել ենք, և այդ կարողություններն այն աստիճան ենք զարգացրել, որ նույնիսկ այս բարձր թվերն ունենալու պարագայում որևէ մտահոգություն չունենք, որ առողջապահական համակարգը այս փուլում ունակ չի լինի սպասարկել բոլոր կարիք ունեցող անձանց։»,- ասաց Ավինյանը։

Փոխվարչապետը նորից նշեց, որ թերացումներն ինստիտուցիոնալ են եղել: Նա նշեց, որ հիմա ռեֆորմներ են կատարվելու համակարգում, որոնք ներկայացվել է Արդարադատության նախարարության կողմից, և հույս հայտնեց, որ հնարավորինս սեղմ ժամկետներում ռեֆորմների այդ փաթեթները կկարողանան կյանքի կոչել՝ ամուր հիմքեր ստեղծելով այդ համակարգերի հետագա զարգացման համար:

Մանրամասները՝ տեսանյութում։

Աղբյուր` Փաստինֆո