Փաստ ինֆո

Ամերիկացի բժիշկ Չադ Կրիլիչը (դոկտոր Chad Krilich) մտավախություն ունի, որ կորոնավիրուսով վարակման նոր դեպքերի թիվը կարող է աճել ավելի, եթե երկրի իշխանություններն ու քաղաքացիները անհրաժեշտ միջոցներ չձեռնարկեն: Այս մասին Նա ասել Է Deutsche Welle-ին տված հարցազրույցում։

Մասնագետը մատնանշել է վարակումների թվի աճը, որը սկսվել է մայիսի վերջին, երբ ԱՄՆ-ում սկսել են աստիճանաբար վերացնել սահմանափակումները: Կրիլիչի կարծիքով, պետք է ուշադրություն դարձնել այնպիսի միտումների վրա, որպեսզի բավարար քանակությամբ պաշտպանություն, թեստեր, դեղեր ապահովվեն:

Բժիշկը նաեւ նշել է, որ, ամենայն հավանականությամբ, աշխարհը սպասում է վարակի երրորդ ալիքին, որը կարող է սկսվել գրիպով հիվանդացության բռնկման ֆոնին: «Սա երեք գործողությունից բաղկացած ներկայացման նման մի բան է, և հիմա մենք գտնվում ենք երկրորդ գործողությունում։ Հետո կլինի նաև երրորդը», - պատմել է նա։

Կրիլիչը պարզաբանել է, որ նոր ալիքի սկիզբը կախված կլինի տարբեր գործոններից, այդ թվում՝ պատվաստանյութի գյուտից եւ բնակչության կողմից անվտանգության միջոցների պահպանումից: Դրա հետ մեկտեղ նա կարծում է, որ պատվաստանյութի մոտալուտ հայտնվելու մասին տեղեկատվությունը ցանկալին որպես իրականություն ներկայացնելու փորձ է:

Ավելի վաղ ռուս բժիշկ-ռեանիմատոլոգ Եվգենի Պինելիսը, որն աշխատում է Բրուքլինի կենտրոնական հիվանդանոցում, պատմել է, որ ամերիկյան բժշկությունը պատրաստ չէ կորոնավիրուսի համաճարակին: Նրա խոսքերով՝ համաճարակի գագաթնակետին բժիշկները հիվանդության որոշման համար թեստային համակարգեր չեն ունեցել եւ ստիպված են եղել կորոնավիրուսին հայտնաբերել միայն ախտանշաններով:

Աղբյուր` Փաստինֆո