Փաստ ինֆո

Մի քանի օր առաջ Արման Բաբաջանյանը Բաղրամյան 26-ում ասուլիս արեց՝ առանց որևիցե ոստիկանական խոչընդոտների, ազատ։ Այս մասին «Փաստինֆո»-ի հետ զրույցում ասաց ԱԺ նախկին պատգամավոր Արագած Ախոյանը։ Նա նույնպես Բաղրամյան 26 էր գնացել, որտեղ «Կամք» հասարակական նախաձեռնության համակարգող Վահագն Չախալյանը և նրա համակիրները ցանկանում էին ՀՀ նախագահ Արմեն Սարգսյանին նամակ հանձնել։

«Այս խտրական մոտեցումը երկար չի կարող շարունակվել։ Մեր նամակի բովանդակությունը հետևյալն է. 79+1 ձևաչափով, այսինքն պահանջում ենք Լանզարոտեի կոնվենցիայի գաղտագողի, դավադրական ընդունումից հետո, որ ժողովուրդը տեղյակ չէր։ Մենք մինչև տեղեկացանք, արդեն հաստատել էին։ Բնականաբար մեր բողոքի ձայնը միշտ բարձրացնելու ենք։ Համաճարակի հետևում թաքնվելով, պատսպարվելով՝ այսօրվա մեր բողոքի ձայները խեղդել անհնար է։ Ոչ ոք թույլ չի տալու, որ այդ կեղտոտ բարքերը ներմուծեն։ Այստեղից չենք գնալու և հենց հնարավորություն ունեցանք էլ ավելի մասշտաբային ծրագրեր ենք իրականացնելու»,-ասաց նախկին պատգամավորը՝ ընդգծելով, որ դիմակը հետևում թաքնվելով՝ ոչ մի կոնվենցիա չի վավերացվելու։

Նշենք, որ Արագած Ախոյանին տուգանեցին, քանի որ դիմակ չէր կրել. «Մեկ է չեմ մուծելու։ Սիրտներդ ինչքան քաշում է գրեք տուգանքները։ Կտաք երկրի ղեկավարները թող մուծեն»,-ասաց Արագած Ախոյանը՝ դիմելով իրեն տուգանող ոստիկանին։

Մանրամասները՝ տեսանյութում

Աղբյուր` Փաստինֆո