Փաստ ինֆո

Ինձ բերման ենթարկեցին, որովհետև գործող իշխանությունները բառիս բուն իմաստով ատում են ՀՀ ոստիկանությանը։ Այս մասին լրագրողների հետ զրույցում ասաց «Քաղաքացիական գիտակցություն» ՀԿ նախագահ Նարեկ Սամսոնյանը՝ դուրս գալով ոստիկանական բաժանմունքից։

«ՀՀ ոստիկանները դարձել են էս մի ընտանիքի քաղաքական քմահաճույքների գերին։ Մենք շատ լուրջ խնդիր ունենք։ Ես ծխում էի, ծխելուս ընթացքում դիմակն իջեցված էր, բնականաբար ոչ ոք դիմակով չի կարող ծխել և այդ ծխախոտն աղբարկղը նետելիս ոստիկանն արդեն մոտենում էր ինձ։ Երբ մոտեցավ, ասացի, որ ծխում էի և դիմակս իջեցված էր, հիմա կբարձրացնեմ։ Այդ ընթացքում ոստիկանն ինձանից անձը հաստատող փաստաթուղթ պահանջեց, ցույց տվեցի, բայց ասում էր՝ տուր ես բռնեմ, ասում էի՝ ոչ։ Այդ պահին ինձ մոտեցավ մի ալեհեր մազերով Նիկոլ Փաշինյան, ոչ եթերային բառի փոխարեն կասեմ Նիկոլ Փաշինյան, և ասում է՝ էդ ովա սուտասան։ Ի դեպ առանց դիմակի էր նա։

Նիկոլ Փաշինյանը մոտենում է ինձ ու հարցնում՝ ով է սուտասան, ես էլ ասում եմ՝ Նիկոլ Փաշինյանը։ Ու այդ հարձակման ընթացքում երբ ենք ձեզ վտարելու էս երկրից և այլն, ես իրեն վստահեցնում եմ, որ ինքը, իր սիրելի Նիկոլ Փաշինյանը շատ շուտով իրենք են վտարվելու։ Այս ընթացքում ոստիկանության սպան, կապիտան լինելով հանդերձ, լուռ կանգնած հետևում է, թե ինչպես է սադրիչը, որը եկել էր նրա համար, որ պետք է ապտակ հասցնեի կամ հարվածեի ու դառնայի խուլիգանության մասնակից։ Ես մինչև վերջ որևէ բան չեմ ասել։ Փորձեցին ասել, որ ես հայհոյել եմ, բայց իրականում չեմ հայհոյել և առանց որևէ բան ասելու բերման ենթարկեցին այստեղ։ Անգամ այդ մարդուն արձանագրությունը չկազմեցին։ Ոստիկանությունը դարձել է Նիկոլ Փաշինյանօի ոտքի տակի սրբելու շորը ու ոստիկանները չեն ուզում իրենց մեջ անցնեն այդ բարոյական գիծն ու ասեն, որ այդ պատվերը չի անի։ Եթե ուզում եք, որ ձեր սադրիչները մարդկանց ստիպեն, որ իրենց հարվածեն ու էդ մարդկանց բռնենք, չեմ անի դա։ Բայց վստահ եմ, որ շուտով ոստիկանությունը ևս արժանանալու է դրական վերաբերմունքի»,-ասաց Նարեկ Սամսոնյանը։

Հարցին՝ բողոքարկելու է, թե ոչ, Նարեկ Սամսոնյանն ասաց, որ բողոքարկելու կարիք չկա, քանի որ այս գործերն ամբողջությամբ պայթելու են.

«Ես ասել եմ՝ կտուգանվեմ, երբ ողջ ոստիկանական համակարգը կսկսի հաց ուտել և ծխել դիմակը բերանին դրած։ Երբ ոստիկանապետը ցույց տա, որ ինքը տանը դիմակը բերանին դրած հաց է ուտում, ես պատրաստ կլինեմ այդ տուգանքը տասնապատիկ մուծել։ Ես որևէ խախտում թույլ չեմ տվել։ Ոստիկանության կողմից փորձ է արվել ինձ կանգնեցնել, որպեսզի որևէ սադրիչ մոտենա, ես հարվածեմ նրան ու ինձ տանեն այդ հոդվածով, չի ստացվել»,-ասաց Նարեկ Սամսոնյանը։

Աղբյուր` Փաստինֆո