Փաստ ինֆո

ՀՀ ԱԺ նախագահ Արարատ Միրզոյանը չի բացառել, որ դիմակ չկրելու համար տուգանքի չափերը բարձրացնելու նախաձեռնությունը կրկին դրվի շրջանառության մեջ։

«Հարցը քննարկվում է վերջնական հստակեցում և վստահություն գուցե չկար։ Շատ հնարավոր է որոշ շտկումներ արվեն կամ չարվեն և նախագիծը նորից շրջանառվի», - այսօր լրագրողների հետ ճեպազրույցում հայտարարել է ՀՀ ԱԺ նախագահ Արարատ Միրզոյանը՝ ավելացնելով, թե քմահաճույք չէ , կամ տուգանելու ցանկությունից դրդված քայլ, ոչ էլ ուղղված է թե բյուջեի եկամուտները ավելացնելուն։

Ըստ նրա՝ այդ քայլով ուզում են, որ ցածր իրավագիտակցություն ունեցող քաղաքացիները հասկանան, որ այդպես փրկում են իրենց, սիրելիների ու դիմացինի կյանքը, դիմակ կրելով կանխում են վարակի տարածումը։ «Այս մարդիկ գոնե պատժամիջոցներից մեծությունից դրդված դիմակ, այնուամենայնիվ, կկրեն»,- ասաց Արարատ Միրզոյանը։

Արարատ Միրզոյանը վստահ է, որ եթե տուգանքը դիտարկենք առողջապահական տեսանկյունից գուցե 500 հազար է պետք սահմանել.

«Դուք կարող է մտածեք 50 հազար դրամը բավարար կարող է լինել տուգանքի համար, մեկ այլ մարդ մտածի 500 դրամը։ Շատ ու քիչը որոշելիս պետք է մտածենք բավարա՞ր է արդյոք քաղաքացու կողմից դիմակ կրելու աստիճանը ։ Պետք է ինչ որ բան անել։ Դուք նայում եք դրամական մեծության տեսանկյունից որպես պետբյուջեի եկամուտ։ Էդպես որ լինի 10 հազարն էլ է շատ, 5000 էլ է շատ գուցե տուգանք պետք էլ չէ։ Բայց եթե նայենք առողջապահական կողմից գուցե 500 հազար է պետք, որ հատկապես մեր տարեց քաղաքացիները, որոնց շրջանում կա վարկած, թե սա սուտ է և իրենց չի կպնի, գումարային պահով սահմանափակում զգան»,- ասաց Միրզոյանը

Արարատ Միրզոյանը կարծիք հայտնեց, որ պետք է նոր կարգավորում մտցնել նրանց համար, որոնք շարունակում են տուգանվել եւ դիմակ չկրել։

«Մենք քաղաքական հարցեր ենք քննարկում, մարդիկ վարակից մահանում են»,- ասաց ԱԺ խոսնակը։

Աղբյուր` Փաստինֆո