Փաստ ինֆո

ՀԴԲ-ն ձերբակալել է բրիտանացի բարձրախավ տիկնթջ՝ Գիսլեյն Մաքսվելին (Ghislaine Maxwell), ֆինանսիստ-միլիոնատեր Ջեֆրի Էպշտեյնի ընկերուհուն. Ջեֆրիին մեղադրում էին անչափահաս սեքս-ստրուկների առեւտրի մեջ: Այս մասին հայտնում է NBC 4 New York-ը։

Նյու Հեմփշիր նահանգի դատախազությունը կնոջը 6 կետից բաղկացած մեղադրական եզրակացություն է ներկայացրել։ Պնդվում է, որ նա հրապուրել է անչափահասներին և ստիպել նրանց սեքսով զբաղվել։ Բացի այդ, Մաքսվելը մեղադրում են կեղծ վկայություն տալու մեջ։ Մեղադրական եզրակացության մեջ նաեւ ասվում է, որ կինը օգնել է Էպշտեյնին գայթակղել եւ հետո վաճառել երեխաներին սեռական ստրկության համար, նրանցից ոմանք 14 տարեկան էին: Նշվում է, որ Մաքսվելը համատեղ գործել է միլիոնատեր մանկապիղծի հետ 1994 թվականից։ Նրա գործը քննվելու է դատարանում:

Տուժածներից շատերը պնդում էին, որ Մաքսվելը օգնել է գտնել անչափահաս աղջիկների, որոնց հետ Էփշտեյնը սեքսով է զբաղվել։ 2015 թվականին նրանցից մեկը՝ ամերիկուհի Վիրջինիա Ջուֆրեն, Գիսլեյնին դատի է տվել։ Կինը պատմել է, որ նա իրեն ծանոթացրել է բրիտանացի արքայազն Էնդրյուի հետ։ Վիրջինիային ստիպել են նրա հետ սեքսով զբաղվել, այդ ժամանակ նա 17 տարեկան էր։

Ձերբակալվածը մերժում է սեռական հանցագործություններին մասնակցությունը։ Նա պնդում է, որ տեղյակ չի եղել Էպշտեյնի գործունեությունից։

Օգոստոսի 10-ին միլիոնատիրոջը մահացած են հայտնաբերել։ Դիահերձման տվյալներով՝ նա ինքնասպանություն է գործել։ Բանտապահները, որոնք պետք է հետեւեին նրան, չեն կատարել շրջայցը եւ կեղծել են հաշվետվությունը, այժմ նրանց ազատազրկում է սպառնում:

Ֆինանսիստը ծանոթ էր ԱՄՆ-ի եւ այլ երկրների մի շարք բարձրաստիճան պաշտոնյաների, այդ թվում՝ ԱՄՆ-ի նախագահ Դոնալդ Թրամփի, ԱՄՆ-ի նախկին նախագահ Բիլ Քլինթոնի եւ Մեծ Բրիտանիայի արքայազն Էնդրյուի հետ. վերջինս նրա հետ սերտ կապի մասին տեղեկատվության պատճառով ստիպված էր հրաժարվել լիազորությունների մեծ մասից:

Աղբյուր` Փաստինֆո