Փաստ ինֆո

Հայաստանում բիրտ ուժը հաղթեց իրավական մտքին։ Եվ ցավոք այդ քաղաքական բիրտ ուժի դեմ դուրս եկան ոչ թե քաղաքական ուժերը, այլ իրավաբաններ, Սահմանադրական դատարանի որոշ անդամներ և փաստաբաններ։ Այս մասին Սահմանադրական դատարանի բակում լրագրողներին ասաց իրավապաշտպան Ավետիք Իշխանյանը։ 

«Փոխանակ այդ ամենի թիկունքում կանգներ այն քաղաքական ուժը, որը հռչակել էր ժողովրդավարություն, լիբերալիզմ, իրավական պետություն, պարզվեց այդ բոլոր քաղաքական ուժերը իրավաբաններին և դատավորներին թողեցին անպաշտպան։ Եվ ինչ կարող էին անել այդ Սահմանադրական դատարանի անդամները միայն օրենքով և իրավունքով պայքարելով մեծամասնություն ունեցող քաղաքական ուժի դեմ, որին ենթարկվում են ուժային բոլոր կառույցները, քննչական մարմիններն ու ԱԱԾ-ն, որոնց հանձնարարելով նա հետապնդումներ է սկսում»,-ասաց նա։

Ավետիք Իշխանյանի խոսքով նրանք պայքարեցին այնքան, որքան կարող էին՝ առանց քաղաքական ուժերի, հասարակության լուրջ աջակցության։ «Մենք գնում ենք դեպի պետական կառույցների կործանման, որը բերելու է պետության կործանմանը»,-ասաց իրավաշտպանը։

Մանրամասները՝ տեսանյութում։

Աղբյուր` Փաստինֆո