Փաստ ինֆո

Ամբողջ աշխարհում դատական պրակտիկա է փոխվում, որ փողերի լվացման ուղղություններով գործերը հնարավորինս առաջ գնան։ ԱԺ-ում այս մասին ասաց ՀՀ վարչապետ Նիկոլ Փաշինյանը։

«Ձևը գտել են, ուզում են մեզ ներքաշել մի հատ անիմաստ խոսակցության մեջ։ Մենք ասում ենք օրինակ Ձորահէկը գողացել եք Սերժ Սարգսյանի ընտանիք, «Սպայկա» ընկերությունով մաքսանենգություն եք արել Սերժ Սարգսյանի ընտանիք, «Հիլտոն» հյուրանոցը ձերն ա, Հայաստանի լրատվական դաշտը սեփականատերերից ըստ էության զոռով խլել եք՝ «Արմենիա» ՀԸ, «Շանթ» ՀԸ, այլ հեռուստաընկերություններ։ Մենք ասում ենք, որ ընտրությունների կեղծման համակարգ է գոյություն ունեցել, որ Սերժ Սարգսյանի ընտանիքն է ղեկավարել։ Կոնկրետ ընտրական տեղամասերում՝ ըտրական միջադեպեր բեմադրելով։ Որ տենում էիք ընդդիմադիր լրագրող վազում էին, ասում՝ էս ինչ ընտրատեղամասում ընտրակեղծիք ա, Հայաստանի բոլոր լրագրողներն ու դիտորդները վազում էին էդտեղ, դա Սերժ Սարգսյանի ընտանիքից մշակված ծրագիր և պլան է եղել, որ բոլորին կենտրոնացնեն ենթադրենք 04 տեղամասում, իսկ 05-ում, 06-ում, 07-ում էդ ընթացքում շաղգամն իր գործն անում էր»,-ասաց վարչապետը։

Վերջինս նկատեց՝ ինչու՞ են հիմա կենտրոնանում իր ընտանիքի վրա, որ իրենք մաքսանենգ են, կոռուպցիոներ են. «Մեզնից ուզում են ստանալ իրենց կերպարը։ Իրանք հասկացել են, որ իրանց կերպարն ա հեղափոխության հիմնական շարժիչ ուժը ու քանի որ ուզում են հեղափոխություն անել, ուզում են, որ էդ ազատ լրատվամիջոցների ձեռամբ ինձնից կերտեն Սերժ Սարգսյան, ինձնից կերտեն իրանց նման մի հատ եղկելի կերպար»,-նշեց Նիկոլ Փաշինյանը։

Աղբյուր` Փաստինֆո