Փաստ ինֆո

Ժողովրդավարությունը պատգամավորների ղազագիր գրել տվող կուսակցությունների հույսին չի կարող մնալ։ Այս մասին ԱԺ-ում ասաց ՀՀ վարչապետ Նիկոլ Փաշինյանը։

«Ասում եք քաղաքական հետապնդում։ Էդ ո՞րտեղ եք տեսել, որ քաղաքական հետապնդման զոհին դատարանը հրաժարվի կալանք տա։ Բա մեզ ինչի՞ չէին հրաժարվում կալանք տային, բա ասեին չէ, չենք կալանավորում։ Վզներից կոլորեին, սեղանի տակից դուրս չէին գալիս։ Առավոտից իրիկուն ճամարտակում եք հակակշիռների և փոխզսպումների մասին։ Հակակշիռը և փոխզսպումը չորսակնանի տրակտոր ա՞, թե՞ հեծանիվ ա։ Ստեղ կա ուրիշ պրոբլեմ. Պետք է հասկանանք ՝ էդ դատավորներն ովքեր են։ Էլի եմ ասում, մենք դատական համակարգի նկատմամբ ապօրինի ազդեցություններից հրաժարվում ենք, բայց դա նշանակում է, որ հին ազդեցության համակարգերը պետք է շարունակեն գործե՞լ։ Ո՛չ, չեն գործելու, թող դրսևորվեն։ Ինչի՞ մինչև հիմա դատարանների հարցը լուծված չի։ Լուծված չի մի պարզ պատճառով, մենք չենք ուզեցել ու չենք ուզում խամաճիկային հին համակարգը փոխարինել խամաճիկային նոր համակարգով։ Մենք ուզում ենք, որ երկրում լինի իրական, անկախ դատարան։ Էն դատավորը, որ իր համոզմունքով և խղճով, առանց կողմնակի ազդեցությունների և առանց հին կոռուպցիոն կապերի կկայացնի որոշում, էդ դատավորը մեր գլխի վրա տեղ ունի։ Էդ դատավորն այս երկրի, պետության հենասյունն է, և մենք ամեն ինչ անելու ենք էդ մարդկանց պաշտպանելու համար և ամեն ինչ անելու ենք մյուսներին դատական համակարգից դուրս շպրտելու համար և ոչ մի բան մեզ չի կանգնեցնի»,-ասաց Նիկոլ Փաշինյանը։

Մանրամասները՝ տեսանյութում։

Աղբյուր` Փաստինֆո