Փաստ ինֆո

Մեր սխալն այն էր, որ արտակարգ դրության իրավական ռեժիմից տեղեկատվության հետ կապված մասերը հանեցինք՝ տուրք տալով այն ահազանգերին, որ մարդու իրավունքները ոտնահարվում են։ Կառավարության այսօրվա նիստի ժամանակ ասաց ՀՀ վարչապետ Նիկոլ Փաշինյանը։

«Հիմա չենք ոտնահարում, ով ինչ ուզում ասում է։ Մեկն ասում է կորոնավիրուս չկա, մեկն ասում է՝ չիպ են դնում, մեկն ասում է, որ էդ հյուրանոցներում ոչ մի մեկուսացված մարդ չկա, մի տեղ մասսոնական ժողով ա, մի տեղ գեյերի ժողով ա, էն մյուս տեղը հակահայկական ուժերի ժողով ա։ Այսինքն էս կորոնավիրուսի շրջանում կառավարությունը սաղ գործերը թողել էր և բոլոր մեկուսացված հյուրանոցներում ինչքան հակահայկական հնարավոր ժողովներ կար, որ պլանավորել էր ու ոչ մի կերպ չէր կարողանում իրականացնել, կորոնավիրուսի պայմաններում էդ բոլոր ժողովներն իրականացրեցինք, որոշումները կայացված են և բոլորը գոհ են։ Այսինքն էս պրոբլեմը կա և սրա հետ այսօր առերեսվում ենք։ Վատ լուրն այն է, որ էն մարդիկ, ովքեր ցուցադրաբար դիմակներով, նույնիսկ տուգանվելուց հետո ցուցադրաբար դիմակներ չէին կրում, հիմա կորոնավիրուսը հարմարավետ տեղավորվում է այդ մարդկանց շրջանում։ Ամեն օր այդ հայտնի շրջանակները, որոնք այս լուրերը տարածում էին, ալիքաձև այդ շրջանակներում տարածվում է։ Մի մասինը հրապարակվում է, մի մասինը չեն անում, էսպես ասած իրենց հարիր չի, չեն ուզում խոստովանել, որ վարակվել են, բայց մենք գիտենք։ Այն մարդիկ, ովքեր քարոզ էին անում, որ կորոնավիրուս չկա, մի մասը հոսպիտալացված են, մի մասը սպասում են հոսպիտալացման ու հեսա կահազանգեն՝ բա ինչի՞ մեզ չեք հոսպիտալացնում,ընդդիմադիր ենք դրա համա՞ր։ Մի մասն էլ գնում են թաքուն տեղերում են հոսպիտալացվում՝ շրջապատից թաքցնելով, որ կորոնավիրուսով հիվանդ ենք»,-ասաց վարչապետը։

Աղբյուր` Փաստինֆո