Փաստ ինֆո

Կարծում եմ՝ պարոն Ծառուկյանին շատ բաներ սխալ են զեկուցում, իսկ ինքն իր ամառանոցում, կարելի է ասել, իրականությունից բավականին հեռու է։ Այս մասին լրագրողների հետ զրույցում ասաց ԱԺ փոխնախագահ Ալեն Սիմոնյանը։

«Միգուցե, իրեն երդումներով նամակներ գրող մարդկանց մոտ կարող է սով սկսվել, բայց Հայաստանում սով չի եղել և չի լինելու։ Քաղաքական դիսկուրսը, որ կառուցված է միայն կորոնավիրուսի վրա, կարծում եմ՝ շատ շուտով կավարտվի»,- նշեց Սիմոնյանը։

Բացի այդ՝ Սիմոնյանը նշեց, որ կիսում է վարչապետի կարծիքը, որ հաջորդ խորհրդարանում տեղ են ունենալու միայն հեղափոխության արժեքները կրող քաղաքական ուժերը։

Անդրադառնալով Արթուր Վանեցյանի, «ՀՅԴ»-ի և «ԲՀԿ»-ի հնարավոր համագործակցությանը՝ Սիմոնյանն ասաց. «Ինձ քաղաքական դիակների կոնսոլիդացիան չի հետաքրքրում։ Միակ մտահոգությունս այն է, որը կարծում եմ ավելի շատ բարոյական մտահոգություն է, իսկ իրենց մոտ ռեալ մտահոգություն պետք է լինի ՝ դա ժողովրդի զայրույթն է։ Նույն մարդիկ դեմքերը փոխում են գալիս ասում են՝ մենք կոնսոլիդացնել ենք։ Իրենք ընդդիմադիր դաշտը լցնում են իրենցով, լցնում են փողի հաշվին և չեն թողնում, որ նորմալ ընդդիմադիր ուժերը կայանան»։

Աղբյուր` Փաստինֆո