Փաստ ինֆո

Եվրամիությունը քննարկում է կորոնավիրուսի հետ կապված անբարենպաստ իրավիճակի պատճառով Ռուսաստանի եւ մի շարք այլ երկրների քաղաքացիների մուտքն արգելելու հնարավորությունը: Այս մասին հայտնում է The New York Times-ը։

Բացի Ռուսաստանից, Խոսքը ԱՄՆ-ի եւ Բրազիլիայի բնակիչների մասին է։ Ընդ որում, այն երկրների ցուցակում, որոնց քաղաքացիները կկարողանան այցելել Եվրամիություն, գտնվում են Չինաստանը, Ուգանդան, Կուբան եւ Վիետնամը:

Պարբերականի տվյալներով՝ համապատասխան փաստաթուղթը Բրյուսելում նախապատրաստվում է հուլիսի 1-ից՝ ԵՄ արտաքին սահմանների մասնակի բացման նախաշեմին: Ներկայումս այն դեռ չի հաստատվել, իսկ վերջնական որոշումը կկայացվի մինչեւ ընթացիկ շաբաթվա վերջը:

Հուլիսի կեսերին Ռուսաստանի տուրօպերատորների ասոցիացիայում կանխատեսել էին, որ մեծ հավանականությամբ Ռուսաստանը չի հայտնվի այն երկրների ցանկում, որոնց հետ ԵՄ-ն սահմանները կբացի հուլիսի 1-ից: Եվրոպան կհրաժարվի ռուսաստանցիների համար մուտքի սահմանափակումների վերացումից, քանի որ Ռուսաստանում COVID-19 վարակի նոր դեպքերի թիվը դեռ մեծ է։ Բացի այդ, երկիրը չի կարողանա համապատասխանել փոխադարձության սկզբունքներին. ռուսական սահմանների բացման ժամկետները անորոշ են մնում ։

Հունիսի 23-ի տվյալներով՝ աշխարհում կորոնավիրուսով վարակված ավելի քան 9,1 միլիոն մարդ կա, որոնցից 473 հազարը մահացել է, եւս 4,5 միլիոնը՝ ապաքինվել: Ամենից շատ վարակվածները գտնվում են ԱՄՆ-ում, Բրազիլիայում, Ռուսաստանում, Հնդկաստանում եւ Մեծ Բրիտանիայում ։

Աղբյուր` Փաստինֆո