Փաստ ինֆո

Ինչպես կանանց, այնպես էլ տղամարդկանց պարագայում էրոգեն զոնաները ունեն կարևոր նշանակություն:

Գոյություն ունի թյուր կարծիք, որ տղամարդկանց համար ինտիմ մտերմությունից առաջ նախնական փաղաքշանքներ անհրաժեշտ չեն: Պետք է նշենք, որ անհրաժեշտ են ոչ միայն սեռական հարաբերության սկզբում, այլ նաև ավարտին:

Այս հատուկ զգայուն կետերի խթանումը բազմազանություն է մտցնում սեռական կյանքում և նոր գույներ հաղորդում ինտիմ մտերմությանը:

Հետևաբար, տղամարդկանց համար ևս կարևոր են շոյանքները:

Էրոգեն զոնաների տեղակայումը և զգայունությունը խիստ անհատական է:

Տարբերում ենք գենիտալ և էքստրագենիտալ էրոգեն զոնաներ:

Տղամարդկանց առավել զգայուն էրոգեն զոնան արտաքին սեռական օրգաններն են(գենիտալիաներ)՝ առնանդամ, ամորձապարկ, աճուկային հատված:

Էքստրագենիտալ էրոգեն զոնա կարող է լինել մարմնի ցանկացած հատված`շրթունքներ, լեզու, բերան, կատվափոս (միջթիակային տարածություն),ազդրերի ներսային մակերես, հետույք և այլն:

Սեռական գրգռման համար տղամարդկանց ավելի քիչ ժամանակ է անհրաժեշտ: Էրոգեն զոնաների խթանումը կարող է լինել տարբեր եղանակներով, որտեղ կարևոր է զույգերի թույլատրելիության շրջանակների համընկնումը:

Սեքսուալ զուգընկերների համար ընդունելի է այն ամենն, ինչ արվում է երկկողմանի համաձայնությամբ:

Ուստի, կարևոր է իմանալ սեռական զուգընկերոջ առանձնահատկությունները, որը ժամանակի և ուշադրության հարց է: Իսկ սեռական կյանքի հետաքրքրությունը պահպանելու համար զույգերից յուրաքանչյուրը պետք է փորձի նոր շունչ հաղորդել հարաբերությանը:

Լուսինե Ստեփանյան
Սեքսոլոգների Հայկական Ասոցիացիայի անդամ
բժիշկ-սեքսոլոգ

Աղբյուր` Փաստինֆո