Փաստ ինֆո

ԱՄՆ-ի Օկլահոմա նահանգի Թալսա քաղաքում ԱՄՆ նախագահ Դոնալդ Թրամփի նախընտրական հանրահավաքի ժամանակ ցածր մասնակցություն են գրանցել: Ինչպես գրում է The New York Times - ը, Դրան նպաստել են TikTok սոցիալական ցանցի օգտատեր դեռահասների եւ K-pop երաժշտական ժանրի երկրպագուների գործողությունները:

Պարբերականը պնդում է, որ նրանք ցանկացել են կատակել և սկսել են կոչ անել իրենց բաժանորդներին ամրագրել հանդիպման տոմսերը, բայց չգնալ։ Օգտատերերն այդպես էլ արեցին: Թրամփի նախընտրական շտաբի նախագահ Բրեդ Պարսկեյլի խոսքով՝ տոմսերի ավելի քան մեկ միլիոն հայտ է ստացվել, սակայն ներկաները մի քանի անգամ ավելի քիչ են եղել: Թալսայի հրշեջ դեպարտամենտում Թրամփի նախընտրական հանրահավաքի ժամանակ ընդամենը 6,2 հազար մարդ է հաշվվել։

ԱՄՆ նախկին հանրապետական ստրատեգներից Սթիվ Շմիդտը հաստատել է ամերիկացիների շրջանում զանգվածային ցրումը։ «Ամերիկայի դեռահասները դաժան հարված հասցրեցին նախագահին: Իսկ ընտրարշավում հիմարները պարծենում էին միլիոնավոր տոմսերով», - ծիծաղել է նա Twitter-ի իր էջում:

Հունիսի 21-ին հայտնի է դարձել, որ Թրամփի նախընտրական շտաբի մի քանի աշխատակիցներ վարակվել են կորոնավիրուսով, նրանց ուղարկել են կարանտին։ Ընդ որում, հանրահավաքի ընթացքում Թրամփի կողմնակիցների մեծամասնությունը չի պահպանել սոցիալական հեռավորությունը եւ դիմակ չի կրել:

Աղբյուր` Փաստինֆո