Փաստ ինֆո

Ակնհայտ ճգնաժամ է, որը երկարելու է և դրա հետևանքները շատ ավելի սարսափելի են լինելու: Բնակչությունը կքած է վարկային լծի տակ: Անհրաժեշտ է վարկային արձակուրդ տալ՝ տոկոսների չեղարկմամբ,- «Փաստինֆո»-ի եթերում հայտարարել է ԱԺ պատգամավոր Տիգրան Ուրիխանյանը:

Պատգամավորը նշել է, որ իր տված հարցերը, իր բերած օրինագծերն ու առաջարկները ունեցել են մեկ նպատակ՝ ինչ անենք, որպեսզի ավելի լավ լինի: «Ես ոչ նախկին իշխանավոր եմ, որը ցասում ունի, որ իրենից իշխանություն են տարել, ոչ բիզնես շահեր ունեմ և որևէ այլ նպատակներ»:

Բայց իշխանությունները բոլոր հնարավոր մեթոդները գործարկում են, որպեսզի չեզոքացնեն նույնիսկ պոտենցիալ մրցակիցներին:

«Նույնիսկ նրանք, ովքեր ասում են՝, եղբայր ուզում ենք քեզ օգնել, որովհետև բաներ կա՝ չես հասկանում, թիմդ չի հասկանում, բաներ կա՝ հասկանում ես՝ չես կարողանում, կամ ռեսուրսը չի հերիքում: Պատրաստ ենք աջակցել, բայց նա տեսնում է պոտենցիալ մրցակցություն և փոձում է չեզոքացնել»:

Այն հարցին, թե ինչու վարչապետը չի լսում իր քաղաքական ընդդիմադիրներին, պատգամավորը պատասխանեց. «Իմ միակ եզրակացությունը սա է. ցանկության բացակայություն և պոտենցիալ մրցակիցների չեզոքացում: Ընդդիմությունը ժամանակի հետ դառնում է ավելի ծանրակշիռ մրցակից, որովհետև օբյեկտիվ պատճառներով ցանկացած իշխանություն գցում է իր վարկանիշը, դա բոլոր երկրներում է այդպես: Եվ իրավիճակից ու վատ աշխատելուց էլ շատ ավելի սրընթաց է գցում վարկանիշը: Հասարակական սիմպատիաները պիտի գնան ու՞ր՝ որևէ ընդդիմադիր գործի ուղղությամբ: Այդ իսկ պատճառով ավելի լավ է բոլորին չեզոքացնել, որպեսզի դա տեղի չունենա»:

Աղբյուր` Փաստինֆո