Փաստ ինֆո

Իշխանություններն այս ճանապարհով են գնում, որպեսզի Գագիկ Ծառուկյանով շեղեն հանրությանն իրենց սոցիալական խնդիրներից, համաճարակից։ «Փաստինֆո»-ի հետ զրույցում այս մասին ասաց ԱԺ «Բարգավաճ Հայաստան» խմբակցության պատգամավոր Շաքե Իսայանը։

Պատգամավորը նկատեց՝ վերջին օրերին և՛ լրատվամիջոցներում, և՛ հանրության շրջանում համավարակի ահագնացող տեմպերի, տիրող իրավիճակի փոխարեն հանրությունն այլ հարցեր է քննարկում. «Կարծում եմ՝ իշխանությունները սա շատ լավ հաշվարկել էին, և այս մեթոդով նրանք փորձում են հանրությանը շեղել բուն պրոբլեմներից։ Վստահ եմ՝ սա երկար չի կարող տևել և ՀՀ քաղաքացին ի վերջո նորից կանգնելու է իր կոտրած տաշտակի առջև ու հիշելու է, թե ովքեր էին այս ամենի պատասխանատուները»,-ասաց Շաքե Իսայանը։
Դիտարկմանը՝ արդյոք տրամաբանական է մի քանի օր կամ մեկ ամիս համավարակի հետ կապված իրավիճակից հանրության ուշադրությունը շեղելու համար ընտրակաշառքի հետ կապված քրեական գործ հարուցել, պատգամավորը նկատեց՝ հնարավոր է.

«Մարզերից ինձ ահազանգում են բազմաթիվ հարցերով։ Քաղաքացին ասում է, որ իրեն հիվանդանոց են տարել, որովհետև թեստավորում պետք է իրականացնեն, սիստեման միացնում են, հետո կեսից հանում ու ասում, որ պետք է տուն գնա, որովհետև իր մոտ վիրուս չկա։ Երեք օր հետո զանգում են ու ներողություն խնդրում՝ ասելով, որ հաստատվել է կորոնավիրուսը։ Բայց քաղաքացին այդ ընթացքում աշխատանքի է գնացել, շփումներ ունեցել։ Խնդիրները շատ-շատ են, ամեն ինչ անփույթ է արվում, որովհետև չգիտեն՝ ինչպես կազմակերպել, ինչպես վերահսկել և երբ օգնության ձեռք ես առաջարկում, իրենք նման կերպ են հակադարձում։ Հանրությանը փորձում են շեղել Գագիկ Ծառուկյանով, բայց սա երկար չի տևի և քաղաքացին նորից կվերադառնա իր սոցիալ-տնտեսական բարդ խնդիրներին»,-նշեց պատգամավորը։

Մանրամասները՝ տեսանյութում

Աղբյուր` Փաստինֆո