Փաստ ինֆո

«Այն ինչ տարիներ առաջ կատարվեց Բուզանդի փողոցում և Հյուսիսային պողոտայում, հիմա նույնությամբ կատարվում է իմ սեփականության հանդեպ։ Մեզ խաբում են, տունս կորցնում եմ,- «Փաստինֆո»-ի հետ զրույցում ահազանգում է Հանրապետության նրբ., բնակչուհի Արինա Ամիրջանյանը ։

Ըստ նրա՝ «ԿԱԻՐ» ՍՊԸ-ը շինարարական ընկերությունն՝ ի դեմս Կարախանյան Ռուբենի, ցանկանում է այս տարածքում շինարարություն իրականացնել՝ 8 հարկանի բնակելի շենք կառուցել և արդեն երկար տարիներ բանակցություններ է վարում մեզ հետ, բայց չի ցանկանում վճարել, անընդհատ էսօր - վաղն է գցում, ասում է՝ տարածքն ազատեք, հետո ձեր գումարը կտամ, հիմա կեսը կտամ, հետո մնացածը և այլն։ Ի՞նչ է սա նշանակում՝ գնանք փողոցում ապրենք, թր դու հետո մեզ փող տա՞ս։

Բնակչուհին պատմեց, որ այս տարածքում ապրում է ընտանիքի 8 անդամների հետ միասին։ «Այստեղ ենք տեղափոխվել 1988 թվականին, Բաքվից, հասկանալի պատճառներով։ Երբ եկանք այստեղ ոչինչ չկար, ամայի տարածք էր, նույնիսկ ջուր կոյուղի չկար։ Ուզում եմ այս տարածքը բարեկարգեմ, շենացնեմ, որ ընտանիքիս անդամները վայելեն, բայց արդեն քանի տարի մեզ թույլ չեն տալիս որևէ ներդրում կատարել իմ սեփականության վրա։

Անընդհատ ասում են, որ սա գերակա շահ ճանաչված՝ քանդման ենթակա տարածք է և պետք է դուրս գանք այստեղից։ Տարիներ շարունակ չեն թողնում քարը քարին դնենք, չնայած մենք մեր հարմարության համար ամեն ինչ վերանորոգել ենք և հիմա այստեղ ապրում է երեք ընտանիք։ Հիմա ուզում են խաբել մեզ՝ մենք դուրս գանք, իրենք իրեց շենքը կառուցեն, հետո թե մեզ ի՞նչ կտան՝ Աստված գիտի ... »,- ասաց նա։

Մանրամասները՝ տեսանյութում։

Աղբյուր` Փաստինֆո