Փաստ ինֆո

Երեկ՝ բուկլետ, այսօր դիմակ, իսկ վաղը, հավանաբար, ձեռնոց կբաժանի երկրի վարչապետը: Այսինքն, պոպուլիզմն էլ արդեն քարկտիկի վերածվեց: Շոուն շարունակվում է և այլևս անտանելի է դառնում: Եթե մոնիտորինգ անեք, հետևեք, կտեսնեք, որ արդեն նրա մոլի պաշտպաններն անգամ չեն կարողանում հանդուրժել երկրի ամենակարևոր պաշտոնյայի՝ այս աստիճանի պարապությունը:

Լրջագույն պրոբլեմների մեջ խրված երկրի վարչապետը պրիմիտիվ պոպուլիստ է: Այսինքն, պոպուլիստ էլ կա, պոպուլիստ էլ: ՈՒ էս դեպքում անգամ մեր բախտը չի բերել, քանի որ մերը կենցաղային մակարդակի պոպուլիստ է:

Դիմակմերը հենց սկզբից, համատիրությունների կամ պոլիկլինիկաների միջոցով պիտի բաժանվեին մարդկանց, այլ ոչ թե՝ նախ՝ դատարկել դեղատները, հետո՝ թանկուկրակ խեղճ մարդկանց պարտադրել գնել այն:

Դե, իսկ հիմա դիմակ բաժանելն իրեն է անհրաժեշտ, որ ընկել է բակ ու փողոց: Այս կերպ, նա ըստ էության, իր օրեցօչ նվազող ռեյտինգի՝ անձնական-անհատական մոնիտորինգն է անում՝ մարդկանց հետ ուղղակիորեն շփվելով ու սեփական աչքով տեսնելով, ականջով լսելով, զգացողությամբ էլ՝ զգալով մթնոլորտը:

Եվ ի՞նչ: Բնականաբար, տեսնում է հուսահատ դեմքեր, որ դիմակների տակ առած իրենց զայրույթն ու դժգոհությունը, պատասխանում են նրա հարցերին:

Այդ մարդկանց մեջ իր խելքի մեկ-երկուսը երևի կլինեն, որ տուն գնալով՝ կասեն՝ ա՛յ մարդ, էլ ինչ պիտի անի խեղճ մարդը, էսօր բան ու գործ թողած վեր էր կացել անձամբ էր դիմակ բաժանում՝ հետն էլ բացատրում, թե՝ ոնց պիտի կրել դիմակը: Մնում է՝ ձեռքերի մեջ մոմեր վառի ազգի համար: Ցավոք, իրականությունն այն է, որ բուկլետ, դիմակ, ձեռնոց, գիրք բաժանելն է հենց ՀՀ վարչապետի հիմնական գործը: Անձամբ:

Իսկ 90 տարեկան մարդուն հանդիսավոր մի քանի դիմակ հանձնելով Փաշինյանը հորդորում է ոչ միայն բերանը, այլև՝ քիթն էլ փակել՝ ուղղակի թթվածնից զրկելով ծերունուն:

Հեղինակ՝ Մ. Մինասյան

Աղբյուր` Փաստինֆո