Փաստ ինֆո

«Այդ տիպի տնտեսական հեղափոխություն ես չեմ տեսել, որ մի տեղ լինի տնտեսական հեղափոխություն ու ներդրումները երկու անգամ քիչ լինեն»: Այս մասին «Պոլիտէկոնոմիա» հետազոտական ինստիտուտի նախաձեռնած ՝ «Կորոնավիրուսային ճգնաժամը, դրա հումանիտար և սոցիալ–տնտեսական հետևանքները․ գնահատականներ և լուծումներ» խորագրով քննարկման ընթացքում ասել է խոսեց «Բարգավաճ Հայաստան» խմբակցության պատգամավոր Միքայել Մելքումյանը: Պատգամավորը նշեց, որ 2019 թվականին օտարերկրյա ներդրումները 2018 թվականի համեմատ կրճատվել են 2 անգամ և, որ հակաճգնաժամային բոլոր միջոցառումները ձախողված են:

«Մարտի 14-ից մայիսի 14-ն ընկած փակ ժամանակահատվածում մենք օրական կորցրել ենք 40 միլիոն դոլար: Խոսքը ՀՆԱ-ի մասին է»: Նա նշեց, որ կառավարությունը տնտեսության և սոցիալական ծրագրերի մեջ ներարկել է ընդամենը օրական 3.8 միլիոն դոլար:

«Դուրս է գալիս, որ օրական 36 միլիոն դոլարի կորուստ ունենք: Թե այդ գումարը որտեղից պետք է լրացնենք, ինչպես գտնենք, դա հարց է»,-նշեց տնտեսագետը:

Անդրադառնալով ԲՀԿ առաջնորդի հայտարարությանը՝ Մելքումյանը նշեց, որ երբ Գագիկ Ծառուկյանը խոսել է ձախողված ոլորտների մասին դրան հետևել է ոչ թե բանավեճը և բովանդակային քննարկումը այլ հաշվեհարդարը: «Եթե այս պրոցեսները շարունակվեն՝ մենք օգոստոս ամսին կունենանք կոլապսային վիճակ:»

Ակնկալվող տնտեսական անկման ցուցանիշներին, Մելքումյանն ավելացրեց նաև առնվազն 100 հազար մարդու եկամուտ չստանալը և այն աշխատատեղերը, որոնք փակվել են:

«Ինչ պետք է անենք հիմա: Առաջինը՝ Հայաստան պետք է գումար մտնի: Պետք է բալանսավորված սոցիալական ծրագրերի ֆինանսավորումը համադրել մյուս բիզնես աջակցության հետ:»

Ըստ Միքայել Մելքումյանի հյուրանոցային համակարգում, տուրիզմի և հանրային սննդի բնագավառում այդ աջակցությունից օգտվել է շահառուների ընդամենը 10 տոկոսը: «Կարևորը գտնել գումար և ներարկել տնտեսություն և հանրային կյանք, որը ըստ էության գոյություն չունի,չնայած նրան որ կառավարությունն ասում էր՝ փողի խնդիր չունի»:

Երկրորդ առաջարկությունը վերաբերում է օրավարձով աշխատողներին:

«Սոցիալական ծրագրերը ի սպառ չեն սպասարկում հասարակության պահանջները, երբ աշխատանք չկա, աշխատատեղ չկա : Օրավարձով աշխատող մարդկանց պետք է աջակցություն ցույց տալ, որպեսզի նվազագույն աշխատավարձի չափով նրանք կարողանան իրենց մինիմալ բարեկեցությունն ապահովել»,- նշեց տնտեսագետը:

Ըստ նրա՝ պետք է ողջամիտ մասնագիտական ներուժի կոնսոլիդացիա լինի: «Պետք է կոնկրետ հարցադրումներով գնալ և լուծումներ տալ: Չգնացինք այդ ուղղությամբ օգոստոս-սեպտեմբերին լրջագույն խնդիրներ ենք ունենալու»,-պնդեց պատգամավորը:

Աղբյուր` Փաստինֆո