Փաստ ինֆո

Մեր գործընկերների հետ քննարկումները երբեք հիմնված չեն եղել պայմանների կամ նախապայմանների վրա։ Այս մասին լրագրողների հետ զրույցի ժամանակ ասաց ԱԺ «Բարգավաճ Հայաստան» խմբակցության քարտուղար Արման Աբովյանը՝ անդրադառնալով ԼՀԿ-ի հայտարարությանը, որ կմիանան քննիչ հանձնաժողով ստեղծելու նախաձեռնությանը, եթե հանձնաժողովը ղեկավարի ԼՀԿ ներկայացուցիչ։

Նա նշեց, որ շատ կոնստրուկտիվ քննարկումներ, քաղաքական պրոցես է գնում. «Նորմալ, դրական պրոցես է գնում։ Մենք միշտ էլ մեր գործընկերների հետ ունեցել ենք շատ բարի հարաբերություններ»,-ասաց Արման Աբովյանը։

Հարցին՝ դեմ չեն լինի, եթե հանձնաժողովը ձևավորվի և ղեկավարի «Լուսավոր Հայաստանը», Արման Աբովյանն ասաց. «Մենք շատ դրական և կոնստրուկտիվ քննարկման մեջ ենք։ Թե ինչ եզրակացության կգանք մեր գործընկերների հետ պրոցեսի վերջում, կտեղեկացնենք»,-ասաց Արման Աբովյանը։

Վերջինս նշեց՝ դատարանից ունեն միայն մեկ ակնկալիք, որ դատարանները պաշտպանեն ՀՀ քաղաքացիների շահերը, այս պարագայում ակնկալում են, որ դատարանը կկայացնի որոշում, որը ցույց կտա, որ այս քաղաքական հետապնդումը բացարձակ քաղաքական երանգ ունի։

«Եթե կալանավորման որոշում կայացվեց, դա քաղաքական հետապնդումների և տոտալ ճնշումների տրամաբանության մեջ է։ Այսօր լսեցինք խոստովանություն, որ ՀՀ-ում գնում է քաղաքական կանվանեք ճնշում, բեսպերդել, հաշվեհարդար»,-ասաց Արման Աբովյանը։

Աղբյուր` Փաստինֆո