Փաստ ինֆո

«Այսօր Հայաստանում կա կորոնավիրուսով վարակված 250.000 մարդ։ Այո, կան երկրներ, որ մեզնից ավելի վատ վիճակում են՝ Քուվեյթը, Բալին, Պերուն, բայց սա դեռ չի նշանակում, որ մենք նրանցից լավ վիճակում ենք։ 176 երկրների մեջ մենք 166-րդ տեղում ենք,- այսօր կորոնավիրուսային վարակի տեմպի ու հետևանքների քննարկման ընթացքում հայտնել է նախկին վարչապետ Հրանտ Բագրատյանը և հավելել, - մենք աշխարհում կորոնավիրուսային վարակից բուժվածների ամենացածր ցուցանիշն ենք գրանցել՝ 37.2 տոկոս։ Կան մեծ թվով մարդիկ, ովքեր հայտնվել են հիվանդանոցների միջանցքներում և երկու – երեք օր անց, տարօրինակ սպիտակ շորերով բժիշկը մոտեցել է նրանց ու ասել՝ ինչո՞ւ ես եկել այստեղ, դու համամատաբար թեթեև ես տանում վարակը, գնա տուն...

« Ուզում եմ ասել, որ հենց այդ դեպքերն են, որ շատ ցավալի կենսաբանական հետևանքներ են թողնում մարդկանց վրա, որովհետև, այսպես ասած, թեթև ընթացքով հիվանդությունը տարած և իբր բուժված երիտասարդ մարդիկ, դրանից հետո, անպայմանորեն հիվանդանում են շաքարային դիաբետով։

Հասկացեք, ես կողմնակից եմ դիմակ կրելուն, բայց պրոբլեմը նրանում է, որ կառավարությունը սխալ մեսիջներ է ուղարկում, թե իբր դիմակ կրելու մեջ է խնդիրը»,- ասել է նախկին վարչապետն ու ավելացրել. «իսկ ի՞նչ պետք է անել ՀՀ կառավարության հետ, որ ամիսներ շարունակ մեզ պահում է արտակարգ դրության մեջ, երբ դա պետք է աներ ընդամենը մեկ ամիս և հստակ մտցնել կարանտինային միջոցառումներ, ինչպես արեցին Վրաստանն ու Թուրքիան։ Երեկ էլ իբր նոր որոծում ընդունեցին՝ տուգանելու այն մարդկանց, ում մոտ չկա անձնագիր կամ ID քարտ...Ես ուզում եմ հասկանալ, թե ինչքան խելք է պետք, այսպիսի որոշում կայացնելու համար։ Այդ քարտերը ձեռքից ձեռք փոխանցելու պրոցեսը եռապատկում է վարակի տարածման տեմպերը։ Աղետով է վերջանալու այս ամենը, ո՞վ է այս որոշումները մտածում, ո՞վ է այս մարդկանց բերել իշխանության»։

Աղբյուր` Փաստինֆո