Փաստ ինֆո

Այս ամենը սկսվել է հունիսի 5-ին, երբ կազմակերպեցինք քաղխորհրդի նիստ, որի ժամանակ լիարժեք ներկայացրեցինք այն, ինչ կա։ Այս մասին խորհրդարանում ասաց «Բարգավաճ Հայաստան» խմբակցության ղեկավար Գագիկ Ծառուկյանը։

«Ոչ թե մեր ժողովրդին ներկայացնում ենք ֆեյսբուքերով, ֆեյքերով, ՊՈԱԿ-ի 500 աշխատող, որ պետական գումար է ստանում։ Խնդրում եմ, որ խորհրդարանը լիարժեք քայլ կատարի իրական կյանք, ոչ թե ֆեյսբուքով, ֆեյքերով։ Խոստումները տրված են երկու տարի, ժողովուրդը լսեց, լսում էր և բոլորը սուտ։

Արածը քանդվել է, ձախողվել է։ Փաշինյանը, որ հրավիրել է, ստորագրել եմ հուշագիրը, ցանկացել եմ բոլոր հարցերով աջակցել, բայց ֆեյսբուքով, ֆեյքերով։ ՊՈԱԿ-ը 500 հոգի, որ այլանդակությունները, վիրավորանքը գրում է, ամոթ է։ Ֆեյքերով, ֆեյսբուքով երկիր չես կարող ղեկավարել։ Երկրում այսօր ծայրահեղ վիճակ է բոլոր ոլորտներում, համաճարակը ձախողված է։ Որևիցե մեկը չփորձի ասել դիվիդենտ եմ հավաքում։ Գնացեք նայեք իրական կյանքը, նայեք Ծառուկյանը համաճարակի համար ինչ է արել»,-ասաց ԲՀԿ առաջնորդը հավելելով, որ երկրի համար բերել է 20 մլրդ դոլար, որ տնտեսական հեղափոխություն լինի. «Ասում է ժողովուրդ դուք աղքատ եք, պետք է գլխով հարուստ լինեք։ Դա ղեկավարի ասած է? Պայմաններ ստեղծեք, խոսք եք տվել»,-ասաց Ծառուկյանը։

Վերջինս ընդգծեց իր սկզբունքից հետ չի կանգնելու։ Ամեն ինչ երկրի համար արել է անշահախնդիր. «Ծառուկյանի վրա գործ եք հարուցել վախում եք? Էսօր ամբողջ երկրի զորքերն ուղարկել եք ճանապարհները փակելով, իշխանության գալիս ասում էիք անկախություն, ազատություն։ Ձեր էն ժամանակը 88 տոկոս կար, էսօր 7 տոկոս էլ չկա»,-ընդգծեց Գագիկ Ծառուկյանը։

Աղբյուր` Փաստինֆո